لیبیده طرفلر آنلاشدی
گؤروشمهلردن سونرا پایلانان تاسلاق متنه گؤره طرفلر آتشکس و ان قیسا مدتده عمومی سئچیملرین تشکیل راضی قالدی
بیرلشمیش میللتلر تشکیلاتینین (بمت) دستکلی لیبی باش ناظیری فایز السراج ایله اؤلکهنین شرقینی ایداره ائدن ژنرال خلیفه حفتر، آتشکس و ان قیسا مدتده عمومی سئچیملرین تشکیلی اوچون راضیلاشدی.
فرانسا پرزیدنتی امانوئل ماکرون و بمت-نین لیبی سفیری غسان سلامه، لیبی بحرانیندا واسیطهچیلیک ایشلری چرچیوهسینده، لیبی باش ناظیری فایز السراج و اؤلکهنین شرقینی ایداره ائدن ژنرال خلیفه حفتر ایله پاریسده آیری-آیری گؤروشدو.
گؤروشمهلردن سونرا پایلانان تاسلاق متنه گؤره طرفلر آتشکس و ان قیسا مدتده عمومی سئچیملرین تشکیل راضی قالدی.
طرفلر، اؤلکهدکی بحرانین یالنیز سیاسی یوللارلا حلّ ائدیله بیلهجگینی ده قبول ائتدی.
دیپلوماتیک قایناقلار تاسلاق متنین هله سون حالینی آلمادیغینی دا وورغولاییب.
آنجاق فرانسیز خبر آژانسی AFP-یه چاتدیغی 10 مادهلیک تاسلاق متنه گؤره، آتشکسین ترورلا موباریزه تطبیقلرینده اعتبارلی اولمایاجاغی و طرفلرین حقوقون حاکیمیتینی تانییاجاقلاری مادهلری یئر آلیر.
دانیشیقلارا قاتیلان قایناقلار بؤیوک گؤزلمهلری اولماسا دا بونون 'گوجلو بیر مساژ وئرجگینی ایفاده ائتدی.
حفتر و السراج، 3 آی اوّل ابوظبیده ایلک دفعه گؤروشموش آنجاق چوخ آز ایرلیلییش یازیلمیشدی.
لیبی، 2011-جی ایلده معمر قذافی رهبرلیگینین آشماسینین آردیندان اونلارلا میلیتان قروپون فعالیت گؤسترمهسی سببیله کاوسا سوروکلنمیشدی.
السراج حکومتی 2016دا ترابلوس شهرینده وظیفهیه باشلاسا دا اؤلکهنین شرقینده حفترین دستکلدیگی حکومت توبروک شهرینده قورولموشدو.
حفتره باغلی گوجلر باشکند بنغازیدن ده ایدارهسینی اله کئچیرمیشدی.