روسیا ساوونما باخانی اوچاغینا ساتاشیلدی
کالینینگرادا گئدن شویگونون اوچاغینین، حادثه سیراسیندا اولوسلارآراسی هاوا ساحهسینده اولدوغو ایفاده ائدیلدی
ناتویا عاید بیر اف-16 ساواش اوچاغی، بالتیک دنیزینین اولوسلارآراسی سولاری اوزرینده روسیا ساوونما باخانی سرگئی شویگونون اوچاغینا یاخینلاشمایا گیریشدی.
روس خبر آژانسی تاس، روسیا ساوونما باخانی شویگونون اوچاغینا یاخینلاشان ناتویا عاید اف-16 ساواش اوچاغینین روس حربی اوچاقلاری طرفیندن اوزاقلاشدیریلدیغینی ایفاده ائتدی.
کالینینگرادا گئدن شویگونون اوچاغینین، حادثه سیراسیندا اولوسلارآراسی هاوا ساحهسینده اولدوغو ایفاده ائدیلدی.
اؤته یاندان، روسیا ساوونما باخانی شویگو، کالینینگراددا ساوونما باخانلیغی یئتکیلیلریله ائتدیگی ییغینجاقدا، بعضی ناتو اؤلکهلرینین ژئوسیاسی هدفلره چاتماق اوچون سیاسی، استخباری و اقتصادی باسقینین یانیندا حربی گوجو ده بیر آراج اولاراق ایستیفاده ائتدیگینی سؤیلهدی.
شویگو، ناتونون سالدیرقان حرکتلری سببیله روسیانین باتی بؤلگهلریندکی حربی بیرلیکلری گوجلندیردیکلرینی ایفاده ائتدی.
ایلگیلیلی خبرلر
ایسرائیلین غزهیه هوجوملاریندا ۴۴ فیلیسطینلی حیاتینی ایتیریب
ایسرائیل سپتامبرین۲۰-سی جومعه سحریندن اعتباراً غزهیه بیر چوخ هاوا هوجومو حیاتا گئچیریب