بلغارستان-دا قاچاق کوچمنلری داشییان مینی بوش آشدی

بلغارستان-دا قاچاق کوچمنلری داشییان مینی بوس سرعت‌لی گئتمه‌سینه گؤره آشدی. قضا نتیجه سینده کوچمنلردن 10 نفر حیاتینی ایتیردی.

قضا بلغارستان-نین بازارجیق شهرینده باش وئردی.

سوروجو گواهی‌سی اولمایان 17 یاشین‌داکی گنجین ماشینین کنترلونو الدن وئرمه سی نتیجه‌سینده باش وئردیگی گومان ائدیلن قضادا مینی بوس-دا اولان 17 قاچاق کوچمندن 10 نفری قضا یئرینده حیاتینی ایتیردیگی بیلدیریلدی.

آرا‌لاریندا سوروجونون ده اولدوغو، خسارت آلان 7 نفر ایسه خسته‌خانا‌لارا یئرلشدیریلدی. قاچاق کوچمنلرین هامی‌سی‌نین کیشی اولدوغو، اوزرلرینده هر هانسی کیملیگین اولمادیغی، کوچمنلردن ایسه افغانیستان وطنداشی اولدوق‌لاری ایره‌لی سورولوب.

حادثه ایله علاقه‌لری اطراف‌لی سوروشدورما باشلاتیلدی.