"ایران بؤلگه‌سل بیر تهدیددیر"

آمریکا خاریجی ایشلر باخانی رکس تیلرسون، ایران ایله بیرلشمیش میلت‌لر تشکیلاتی‌نین گوونلیک شوراسی‌نین 5 دایمی عضوو آراسیندا 2015.جی ایلده ایمضا‌لانان نوکلئر آنلاشمانین هدفینه چاتمادیغینی سؤیله‌دی‌لر.

تیلرسون تشکیل ائتدیگی مطبوعات کنفرانسیندا، دونالد ترامپ رهبرلیگی‌نین ایران سیاستینی قابساملی‌لی شکیلده گؤزدن گئچیردیگینی، نوکلئر آنلاشمانین دا بو چرچیوه‌ده اله آلیندیغینی بیلدیردی.

"ایرانلا الده اولونان نوکلئر آنلاشما هدفینه چاتمیر" دئین تیلرسون واشینگتن-تهران ایلیشکی‌لرینی یالنیز نوکلئر آنلاشما اوزرین‌دن دگرلندیرمه‌یه‌جکلرینی، ایرانین عینی زاماندا بؤلگه‌سل بیر تهدید اولدوغونو ایفاده ائتدی.

ایرانی قوزئی کره‌یه بنزه‌دن تیلرسون، تهرا‌نین کنترل ائدیلممه‌سی وضعیتینده اورتایا یئنی بیر قوزئی کره‌نین چیخاجاغینی سؤیله‌دی.

آمریکا‌لی باخان، اؤلکه‌سی‌نین نوکلئر آنلاشمانین داوام ائتدیریلمه‌سی احتیمالینا قاپینی قاپاتمادیغینی، آنجاق بو قونودا آرتیق ایستراتژیک بیر دؤزوم ده گؤسترمه‌یه‌جگینی بیلدیردی.

ایرانین نوکلئر جالیشمالاری‌نین دونیا باریشی آدینا بیر تهدید میدانا گتیردیگینه ایشاره ائدن تیلرسون، تهران رهبرلیگی‌نین سوریه‌ده بشار اسده، عراقدا شیعه میلیس‌لره، یمنده ایسه حوثی‌لره دستک وئره‌رک بؤلگه‌سل پروبلئم‌لر چیخاردیغینی سؤیله‌دی.

رکس تیلرسون؛

"ایران ترورو دستکله‌ین اؤلکه‌لر لیسته‌سینده ان قاباقدادیر و بیر چوخ یئرده قاریشیق‌لیق چیخاردا‌راق آمریکانین چیخار‌لارینی هئچه ساییر" دئیه دانیشدی.