قارادنیزده گمی باتدی

روسیا‌دان تورکیه‌یه تاخیل گتیرن یوک گمی‌سی، 12 خدمه ایله بیرلیکده قاراد‌نیزده باتدی.

پاناما بایراق‌لی گرویی آرسنالا آدلی قورو یوک گمی‌سی، قیریم ساحل‌لرین‌دن 14 دنیز میلی اوزاقدا، عاجل دوروم سیگنا‌لی گؤندرمه‌یه باشلادی.

گمی‌نین دونن گئجه شدت‌لی فیرتینا سببیله ایکییه بؤلونوب باتدیغی بیلدیریلیر.

گمی‌دکی خدمه‌نین 9ونون اوکراینا، س2سینین روسیا، بیری‌نین ایسه گورجوستان وطنداشی اولدوغو آچیقلاندی.

روسیا عاجل یاردیم باخانلیغی یئتکی‌لی‌لری، بیر خدمه‌نین قورتاریلدیغی، 4ونون ایسه یئری‌نین بللی ائدیلدیگینی سؤیله‌دی.

گمی‌دکی 7 نفر ایسه ایتکین.

ایتنلرین تاپیلماسی اوچون آلتی گمی و بیر هلیکوپتر ایله قورتارما عملیاتی تشکیل ائدیلدی.

آنجاق شدت‌لی کوله‌یین چالیشمالاری چتینلشدیردیگی بیلدیریلیر.

گمی‌نین عاید اولدوغو تورک شیرکتین‌دن بیر یئتکی‌لی، حادثه‌نین سببینی آراشدیردیق‌لارینی سؤیله‌دی.