آوروپا اینسان حاقلاری محکمهسی، روسیانی محکوم ائتدی
روسیا، قوربانلارین و ساغ قورتولانلارین عائلهلرینه 3 میلیون دولاردان چوخ تضمینات اؤدهیهجک
![آوروپا اینسان حاقلاری محکمهسی، روسیانی محکوم ائتدی](http://cdn.trt.net.tr/images/xlarge/rectangle/dffe/e899/bde2/58ef50dd2febd.jpg?time=1718939880)
آوروپا اینسان حاقلاری محکمهسی، روسیانین 2004-جو ایلده بسلان شهرینده چوخو اوشاق 331 نفرین اؤلدوگو مکتب قوشاتماسی و امنیت گوجلرینین باسقینی زامانی "جیدی سهولر ' ائتدیگینه حؤکم ائتدی.
روسیا، قوربانلارین و ساغ قورتولانلارین عائلهلرینه 3 میلیون دولاردان چوخ تضمینات اؤدهیهجک.
بی.بی.سی تورکجهنین کؤچوردوگو خبره گؤره آوروپا اینسان حاقلاری محکمهسی، روسیانین بیر "ترور سالدیریسی" پلانلاندیغینا دایر خبر آلماسینا باخمایاراق، "تروریستلرین توپلانتیلارینی اؤنلمک آدینا لازیم اولانی ائتمدیگینه" و "مکتبدکی امنیت تدبیرلرینین آرتیریلمادیغینا" حؤکم ائتدی.
مکتبلرین آچیلدیغی گون، بؤلوچو چچنلر، چوخو اوشاق میندن چوخ اینسانی، پارتلاییجیلارین باسکتبال پوتاسینا یئرلشدیریلدیگی ایدمان سالونوندا گیروو توتموشدو.
قوشاتمایی رئاللاشدیرانلار، روسیانین عسگرلرینی چچنیستاندان چکمهسینی ایستییردی.
محاصیره اوچونجو گونونده، روس امنیت گوجلرینین بینایا باسقینی و ایکی شیدتلی پارتلاما ایله سونا چاتمیشدی.
قوشاتمایی رئاللاشدیرانلارین یالنیز بیری جانلی اله کئچیریلمیشدی.
حیاتدا قالان گیروولار، عملیاتدا آشیری گوج ایستیفاده ائدیلدیگینی ادعا ائتدی.
ایللر اوّل سونا چاتان و روسیانین ایجرا ائتدیگی سوروشدورمادا، اؤلنلرین 186سینین اوشاق اولدوغو حادثه ایله باغلی هئچ بیر روس مقامی مسئول توتولمامیشدی.
قوربانلارین عائلهلری و حیاتدا قالانلار، هله محاصیرهنین داها آز اینسانین اؤلمهسی ایله سونا اردیریلیب اردیریلمیهجگینی سورغولاییر و مسئوللارین اولماسینی ایستییر.
400-دن چوخ آدام دا فرانسانین استرازبورگ شهریندکی آوروپا اینسان حاقلاری محکمهسینه بو سواللارا جواب تاپماق مقصدی ایله مراجعت ائتمیشدی.