ژنو موذاکیره لری داوام ائدیر

سوئیس-ده کئچیریلن سوریه موضوعلو ژنو-5 دانیشیق‌لاری بیرلشمیش میللتلر تشکیلاتی‌نین‌ هئیتی‌نین موخالیفت و رئژیم هئیت‌لریله کئچید رهبرلیگینه دایر موذاکیره‌لریله داوام ائدیر.

موذاکیره‌لرین بئشینجی گونونده بیرلشمیش میللتلر تشکیلاتی‌نین سوریه اوزه ل نماینده‌سی ایستفان دی میستورانین اردن-ون پایتاختی امان-دا تشکیل ائدیلن عرب بیرلیگی ییغینجاغینا قاتیلماسی سببیله طرف‌لرله دانیشیق‌لاری کؤمکچی‌سی رمزی عزت الدین رمزی داوام ائتدیردی.  

رمزی عزت الدین رمزی دونن رئژیم و موخالیفت هئیت‌لریله بیر آرایا گلدی.  

گؤروش‌دن سونرا رئژیم هئیتی‌نین باشقانی بشار جعفری آچیقلاما وئرمه‌دی، موخالیفت هئیتی‌نین باشقانی ناصر الحریری مطبوعات کونفرانسی تشکیل ائتدی.

حریری رئژیمین 31 دسامبر 2016-جی ایلده قوه‌یه مینن آتشکس‌دن بو یانا 275-ی قادین، یوزلرله اوشاق اولماقلا ان آز 2 مین اینسانی اؤلدوردوگونو سؤیله‌دی.  

حریری بیرلشمیش میللتر تشکیلاتی‌ ایله دانیشیق‌لاردا الده ائدیلن نتیجه‌نی دیرلندیررکن بیلدیردی کی، سیاسی کئچید رهبرلیگی و پروسئسی معین ائده‌جک آنایاسا مسئله‌سی ایله علاقه‌دار ایلک دفعه ایرلیلییش اولدو.

ناصر الحریری هدفلدیک‌لرینی ده "سوریه"نی اینگیلیس دیلینده "محاصره و آجلیق‌دان خلاص اولموش بیر سوریه. ایران میلیس‌لری و دیگر خاریجی میلیس‌لردن خلاص اولموش بیر سوریه. خالقی‌نین قاییدا بیلمه‌سی اوچون اعتبارلی بیر سوریه. بیزیم گوندمیمیزده بون‌لار وار.