یونیسف: "سوریه-ده ان چوخ اوشاق اؤلومی 2016-جی ایلده باش وئریب"

بیرلشمیش میللتر تشکیلاتی‌نین اوشاق فوندو (یونیسف) سوریه-ده ان چوخ اوشاق اؤلوم حال‌لاری‌نین 2016-جی ایلده قئیده آلیندیغینی، کئچن ایل ان آز 652 اوشاغین حیاتینی ایتیردیگینی بیلدیردی.  

فوندون یاییملادیغی سون راپورا گوره، کئچن ایل سوریه-ده اوشاق‌لار "مثلی گؤرولمه‌میش" شدته و حقوق پوزونتولارینا معروض قالدیلار.  

راپوردا 255 اوشاغین مکتبده حیاتینی ایتیردیگی بیل‌دیریله‌رک، آرا‌لاریندا 7 یاشیندا اوشاق‌لارین دا اولدوغو 850-دن چوخ اوشاغا توققوشماسی، انتحار بومباجیسی، گؤزتچی و جلاد اولماسی اوچون تضییق ائدیلدیگی قئید اولوندو.

یونیسف-ین اورتا دوغو و قوزیی افریقا سؤزچوسو ژولیته تووما راپور ایله علاقه‌لی آچیقلاما وئره‌رک دئدی کی، سوریه-ده کی اوشاق‌لارین وضعیتی چوخ پیس‌دیر، اونلار عینی ایله درین اوچورومون کناردا یاشاییرلار.

راپوردا سوریه-ده خسته‌خانا‌لارا و اورا‌لاردا ایشله‌ین امکداش‌لارا یونلیک ان آز 338 هوجوم اولدوغو بیلدیریلدی و گولله یاخود پارتلاییش‌لاردان قورتولان اوشاق‌لارین ایسه قارشی‌سی آلینا بیله‌جک خسته‌لیک‌لری‌نین موا‌لیجه ائدیله بیلمه‌دیگی اوچون سس‌سیز شکیلده حیاتینی ایتیردیگینه دقت چکیلدی.  

راپوردا محاصیره ده اولان 280 مین، یاردیم چاتدیریلماسی چتین اولان بؤلگه‌لرده ایسه 2،8 میلیون اوشاغا اینسانی یاردیم آپاریلا بیلمه‌دیگی وورغولاندی. همچنین مکتب‌لارین اوچده بیر حیسه‌سی‌نین ییخیلدیغی، سیغینا‌جاق یئر یاخود دا حربی مقصدله ایستیفاده ائدیلدیگی سوریه-ده 2 میلیون اوشاغین مکتبه گئده بیلمه‌دیگی ده ایفاده ائدیلدی.

قئید ائدک کی، سوریه-ده ایچ ساواشین باش وئردیگی 2011-جی ایلدن بری‌دیر 6 میلیون اوشاق اینسانی یاردیم‌لارلا یاشاییر، 2،3 میلیون‌دان آرتیق اوشاق ایسه تورکیه، لبنان، اردن، میصر و عراق-دا قاچقین وضعیتیندیر.