ایران، آمریکانی ویزا یاساغینا میثللمه ایله تهدیدی ائتدی
ظریف "بیزیم بونا جوابیمیز ایرانا گلمک ایستهین آمریکالیلار ویزا وئرممک اولاجاق" دئدی
ایران خاریجی ایشلر ناظیری جواد ظریف، آمریکا پرزیدنتی دونالد ترامپین ایران ایله 7 مسلمان اؤلکه وطنداشلارینا گتیردیگی ' ویزا یاساغینا میثللمه تهدیدی ائتدی.
ظریف
"بیزیم بونا جوابیمیز ایرانا گلمک ایستهین آمریکالیلار ویزا وئرممک اولاجاق" دئدی.
فرانسیز همکاری جان مارک آیرو ایله باشکند تهراندا ائتدیگی اورتاق مطبوعات کونفرانسیندا دانیشان ظریف، آمریکانی بالیستیک راکت سیناقلاری سببیله ' یئنی گرگینلیک یاراتماماسی موضوعسوندا دا خبردار ائتدی.
ظریف،
"ایرانین ساوونما پروقرامینین آمریکانین یئنی رهبرلیگی طرفیندن یئنی گرگینلیکلر یاراتماق اوچون بهانه اولاراق قوللانیلماماسینی اومید ائدیریک" دئدی.
جواد ظریف، اؤلکهسینین رئاللاشدیردیغی بالیستیک راکت سیناقلارینین 5 + 1 اؤلکهلری ایله ائدیلن نوکلئر راضیلاشمانین یا دا بیرلشمیش میللتلر تشکیلاتینین امنیت شوراسینین موقاویلهنی تائید ائدن قرارلارینین بیر پارچاسی اولمادیغینی سؤیلهدی.
آمریکانین ایرانین بالیستیک راکت سیناغی ائتدیگینه باغلی سوچلاماسینی نه تصدیقلهین نه ده یالانلایان ظریف، اؤلکهسینین هئچ بیر زامان بیر باشقا اؤلکهیه سالدیری ائتمک اوچون بو موشکلری قوللانمایاجاغینی ساووندو.
ظریف،
"هئچ بیر ایران اورهتیمی موشک نوکلئر ساواشین باشلیغی داشیماسی اوچون چیخاریلمادی 'ایفادهلرینی ایستیفاده ائتدی.
فرانسا خاریجی ایشلر ناظیری آیرو دا،
"تهرانا نوکلئر راضیلاشمانین ساوونچوسو اولاراق گلدیم" دئدی.
راضیلاشمایا حؤرمت گؤستریلمهسینی ایستدیکلرینی ایفاده ائدن آیرو آنلاشمانین رعایتی ' اورتاق چیخار اولدوغونو وورغولادی.
آمریکا ساوونما ناظیرلیگیندن (پنتاقون) آدی آچیقلانمایان بیر مسئولو، سی. ان. ان-ه ائتدیگی آچبقلامادا ایرانین بازار گونو اورتا بالیستیک موشک سیناغی حیاتا کئچیردیگینی تصدیق ائتدیکلرینی سؤیلمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.