آستانادا کئچیریلن سوریا دانیشیقلارینین ایلک گونو باشا چاتدی
قازاخیستانین پایتاختی آستانادا کئچیریلن سوریه دانیشیقلارینین ایلک گونونده دسامبرین 30-دا اعلان ائدیلن آتشکسین قالیجی اولماسی مقصدیله قارشیلیقلی گؤزلنتیلر طرفلره چاتدیریلدی.
قازاخیستانین پایتاختی آستانادا کئچیریلن سوریه دانیشیقلارینین ایلک گونونده دسامبرین 30-دا اعلان ائدیلن آتشکسین قالیجی اولماسی مقصدیله قارشیلیقلی گؤزلنتیلر طرفلره چاتدیریلدی.
توپلانتیدا سوریه سلاحلی موخالیفتینین هئیتی، اسد رئژیمی، تورکیه، روسیا، ایران، آمریکا و بیرلشمیش میللتلر تشکیلاتینین هئیتلری قاتیلیرلار.
ایلک ایجلاس موخالیفلر و دیگر طرفلرین اوز-اوزه ایشتیراکی ایله باش توتدو.
ایلک نوبه ده موخالیفت هئیتی تورکیه، روسیا و بیرلشمیش میللتلر تشکیلاتینین اولوشدوردوغو هئیت ایله بیر آرایا گلدی.
موخالیفلر رئژیم و دستکچیسی خاریجی تروریست قروپلار طرفیندن آتشکسین پوزولماسی حاللارینین دایاندیریلماسی، محاصره آلتینداکی بؤلگهلره اینسانی یاردیمین چاتدیریلماسی، ایران عسگرلرینین و تهرانین دستکلهدیگی سلاحلی قروپلارین اؤلکهنی ترک ائتمهسی و قادین سیاسی محکوملارین سربست بوراخیلماسی ایله علاقهدار طلبلرینی یازیلی اولاراق بیلدیردیلر.
روسیا و بیرلشمیش میللتلر یئتکیلیلری موخالیفلرین گؤزلنتیلرینی اسد رئژیمینین نماینده هئیتینه چاتدیردیلار.
رئژیم نماینده هئیتی ده طلبلرینی یئنه روسیا و بیرلشمیش میللتلر یئتکیلیلری واسطهسیله موخالیفلره تقدیم ائتدی.
رئژیمین بیرلشمیش میللتلر تشکیلاتییندا کی نمایندهسی بشار الجعفری اسد رهبرلیگینین آتشکهسه دایر ایلک موقعینی اورتایا قویدو.
الجعفری گؤزلنتیلرینین موناقیشهلرین معین بیر مدت اوچون دایاندیریلماسیندان، بو مدت عرضینده ده آتشکهسه ایمضا آتان قروپلارین ترور تشکیلاتلاریندان آییرد ائدیلمهسیندن عبارت اولدوغونو قئید ائتدی.
موخالیفتین سؤزچوسو یحیی العریضی ایلک گونون سونوندا وئردیگی آچیقلامادا موخالیفتین تورکیه-روسیا- بیرلشمیش میللتلر تشکیلاتی نین بیرگه نماینده هئیتی ایله گؤروشونون ثمره لی کئچدیگینی بیلدیردی.
موخالیفلر آتشکهسین حیاتا کئچیریلمهسینین داها آچیق و موشاهیده اولونا بیلهجک بیر مکانیزمه اساسلانماسینی طلب ائدیرلر.
توپلانتینین باشلادیغی ساعتلاردا اسد رئژیمی قوهلری و دستکچیلرینین دمشق، درعا، حما، حلب و لاذقیه ده موخالیفلرین نظارتیندکی بؤلگهلره قورو و هاوا هوجوملاری داوام ائدیردی.
آستانا گؤروشو سوریهده 6 ایللیک ایچ ساواشدا حربی موخالیفت، رئژیم، ایران و روسیانین ایلک دفعه اولوسلار آراسی بیر توپلانتیدا بیر آرایا گلمهسی باخیمیندان مهم اهمیت داشیییر.
قئید ائدک کی، داها اونجه کی اولوسلار آراسی دانیشیقلاردا یالنیز سیاسی موخالیفت ایشتیراک ائتدیگی حالدا، آستانا دانیشیقلارینا سوریه سلاحلی موخالیفتی ده قاتیلیب.