ی.پ.گ‌یه قاتیلان اینگیلتره وطنداشی اؤلدورولدو
اینگیلیس مطبوعاتینا گؤره، لوک، آگوست آییندا ی.پ.گ‌یه قاتیلما‌دان قاباق اینگیلتره‌ده آشبازلیق ائدیردی
بؤلوجو ترور هؤرگوتو پ‌کاکانین سوریه قولو پ.ی.دنین سلاح‌لی قانادی ی.پ.گ‌یه قاتیلان 20 یاشین‌داکی اینگیلتره وطنداشی ریان لوکون، گئچن آی ترور هؤرگوتو دعش طرفین‌دن اؤلدورولدوگو اورتایا چیخدی.
اینگیلیس مطبوعاتینا گؤره، لوک، آگوست آییندا ی.پ.گ‌یه قاتیلما‌دان قاباق اینگیلتره‌ده آشبازلیق ائدیردی.
گاردین قزئتین‌دکی خبرده، ی.پ.گ‌لیلرین، رقه‌نین ترور هؤرگوتو داعشین الین‌دن آلینماسی اوچون تشکیل ائتدیگی سالدیری‌لارا قاتیلان لوکون، 21 دسامبردا جابر کندی یاخینلیغیندا اؤلدوگو ایفاده ائدیلدی.
اینگیلتره‌دن آیریلارکن عائله‌سینه، تورکیه‌یه تعطیله گئتدیگینی سؤیله‌ین لوک، 31 آگوست‌داکی فیسببوک مئساژیندا، بو قونودا یالان سؤیله‌دیگینی قبول ائده‌رک بئله یازمیشدی:
"روژاوایا گئدیرم. تورکیه‌یه گئتمه قونوسوندا یالان سؤیله‌دیم. باغیشلایین هر کس‌دن گیزله‌تدیم. هامینیزی سئویرم. آلتی آی ایچینده دؤنه‌جه‌یم."
گاردین‌ین خبرینه گؤره، اینگیلتره خاریجی ایشلر باخانلیغی سؤزچوسو دونن، سوریه‌یه سیاحت ائدیلممه‌سی یولون‌داکی اویاریلارینین هله گئچرلی اولدوغونو ایفاده ائتدی.
سؤزچو،
"هانسی سببله اولورسا اولسون، بو بؤلگه‌لره سیاحت ائدن‌لر، اؤزلرینی تهلوکه‌یه آتیرلار" دئدی.
