میصر، صنافیر و تیران آدالارینی سعودی عربیستانینا گئری وئریر
قاهیره حکومتی، آدالارین ریاض رهبرلیگینه وئریلمهسی راضیلاشماسینی تصدیقلهدی
![میصر، صنافیر و تیران آدالارینی سعودی عربیستانینا گئری وئریر](http://cdn.trt.net.tr/images/xlarge/rectangle/821b/ed33/ffc6/5865dfa8e25c7.jpg?time=1718899425)
میصر، داها اوّل حمایهسینه آلدیغی صنافیر و تیران آدالارینی ایکی اؤلکه آراسیندا تعیین اولونان یئنی دنیز مرزی آنلاشماسی چرچیوهسینده سعودی عربیستانینا گئری وئریر.
قاهیره حکومتی، آدالارین ریاض رهبرلیگینه وئریلمهسی راضیلاشماسینی تصدیقلهدی.
66 ایلدیر میصرین حمایهسیندکی آدالارین سعودی عربیستانینا وئریلمهسی اوچون مجلیسین تصدیقی گؤزلنیلیر.
ریاض رهبرلیگی، 1950-جی ایلده ایسرائیلین سالدیری ائدجگی ناراحاتلیغی ایله آدالارین امنیتینین تامین ائدیلمهسی اوچون میصرین حمایهسینه گیرمهسینی میصر حکومتیندن طلب ائتمیشدی.
ایکی اؤلکه آراسیندا ایمضالانان راضیلاشما ایله آدالارین سعودی عربیستانینا وئریلمهسی قرارلاشدیریلمیشدی.
قیرمیزی دنیزده اولان آدالارین ریاض حکومتینه وئریلمهسی میصر توپلوموندا اعتراض ایله قارشیلانمیشدی.
ریاض، 66 ایلدیر میصرین حمایهسیندکی آدالارین سعود کرال عائلهسینه عایید اولدوغونو ایفاده ائدیر.