سوریه‌دن، تورکیه‌یه 131 یارالی گتیریلدی
حلب-ین شرقین‌دن تخلیه ائدیلن‌لر آراسیندا اولان آغیر یارالی سیویل لردن تورکیه‌نین حاتای شهرینه گتیریلن‌لرین سایی 131 اولوب.
سوریه‌ده بشار اسد رئژیمی و رئژیم طرفداری خاریجی تروریست قروپ‌لارین محاصره‌سینده کی حلب-ین شرقین‌دن تخلیه ائدیلن‌لر آراسیندا اولان آغیر یارالی سیویل لردن تورکیه‌نین حاتای شهرینه گتیریلن‌لرین سایی 131 اولوب.
باش ناظیرلیگین مطبوعات، یاییم و اینفورماسیون مودیرلیگی طرفین‌دن یاییم‌لانان آچیقلامایا اساساً، حلب-ین غربینده یارادیلان گوونلی بؤلگه‌یه چیخاریلان‌دان سونرا ادلیبه گتیریلن یارا‌لی‌لاردان وضعیت‌لری آغیر اولان‌لار تورکیه‌یه گؤندریلیر.
تخلیه عملیاتی باشلاندیغی گون‌دن سونرا باش ناظیرلیک آفت و عاجیل حال ایداره‌سی صدرلیگی‌نین تشکیلاتچیلیغیندا جیلوه گؤزو سرحد قاپیسیندا گؤزله‌دیلن 112 آمبولانس لارا گؤتوروله‌رک حاتای شهرین‌دکی خسته‌خانا‌لارا یئرلش‌دیریلن یارالی سایی 46-سی اوشاق اولماقلا 131-ه چاتدی. یارا‌لی‌لاردان 5-ی ائدیلن موداخیله‌لره باخمایا‌راق حیات‌لارینی ایتیردیلر.
شهره گتیریلن یارا‌لی‌لاردان 57-سی شهردن کنارداکی خسته‌خانا‌لارا گؤندریلدی، 12-سی ایسه موا‌لیجه‌سی تامام‌لانا‌راق خسته‌خانا‌دان چیخاریلدی. آغیر یارا‌لی‌لارین حاتای شهرینه گتیریلمه‌سی ایشی‌نین داوام ائدجگی گؤزله‌نیلیر.
