حلبین بؤیوک بؤلومو سوریه اوردوسونون الینه گئچدی

روسیا، سوریه اوردوسونون حلبین یوزده 98دن چوخونو کنترل آلتینا آلدیغینی آچیقلادی.

روسیانین لاذقیه یاخین‌لارین‌داکی ایزلمه مرکزین‌دن وئریلن آچیقلامادا،

"سوریه حکومت گوج‌لری حلبین دوغوسوندا یئر آلان 11 بؤلگه‌نی تروریست‌لردن گئری آلدی. بئله‌لیکله حلب تورپاق‌لاری‌نین یوزده 98ی حکومتین کنترلو آلتینا گیردی. داعش عضو‌لری‌نین کنترلوندا اولان ساحه‌ ایسه 3 مربع کیلومتری گئچمیر" دئییلدی.

آچیقلامادا آیریجا، اوردو قوه‌لری‌نین حلبین دوغوسوندا کنترل آلتینا آلماق اوچون عملیات باشلاتماسین‌دان بو یانا روس ایزلمه مرکزینده وظیفه‌لی عسگرلر طرفین‌دن شهرین بو کسیم‌لرین‌دن 44 مین 367سی اوشاق اولماق اوزره 110 مین‌دن چوخ وطنداشین تخلیه ائدیلدیگی قید ائدیلدی.

ایزلمه مرکزی‌نین کؤچوردوگونه گؤره، بو مدت ایچری‌سینده 7 مین‌دن چوخ وطنداش ده داعش عضو‌لری‌نین الین‌دن گئری آلینان بؤلگه‌لرده یئر آلان ائولرینه گئری دؤنه‌بیلدی.