ایران: آمریکانین تحریم‌لری 10 ایل داها اوزادماسی‌نین نوکلئر راضیلاشمانین پوزولماسی اولاجاق
لاییحه‌نین قانونلاشماسی اوچون اوباما طرفین‌دن ایمضالانماسی لازیم‌دیر
ایران خاریجی ایشلر ناظیرلیگی سؤزچوسو بهرام قاسیمی، آمریکانین اؤلکه‌سینه ایجرا ائتدیگی تحریم‌لری 10 ایل داها اوزادماسی‌نین، نوکلئر راضیلاشمانین پوزولماسی اولاجاغینی آچیقلادی.
قاسیمی، ناظیرلیگین اینترنت سایتیندا یئر آلان یازیلی آچیقلاماسیندا،
"اؤلکه‌میزین اوست سویه مسئول‌لاری‌نین داها اوّل ده بیر چوخ دفعه دیله گتیردیگی عذره نماینده‌لر مجلیسی و سناتونون ایرانا تحریملرین اوزادیلماسینا یؤنلیک لاییحه‌سی نوکلئر راضیلیغا ضیددیر." ایفاده‌لرینی ایستیفاده ائتدی.
اؤلکه‌سی‌نین راضیلاشماغا باغلی‌لیغینی اثبات ائتدیغینی آنجاق پوزولماسی حالیندا دا لازیم‌لی حاضیرلیغا مالیک اولدوغونو ایفاده ائدن قاسیمی،
"خاریجی ایشلر ناظیرلیگی آمریکا حکومتی‌نین بو موضوعداکی یاناشماسینی چوخ دقت‌لی بیر شکیلده موشاهیده ائده‌رک، بونا قارشی لازیمی آددیمین آتیلماسی اوچون مجلیس نوکلئر راضیلاشما نظارت قورولونا احاطه‌لی بیر راپور تقدیم ائده‌جک." دئدی.
قاسیمی، نوکلئر راضیلاشما چرچیوه‌سینده آمریکا پرزیدنتی باراک اوبامانین راضیلاشمانین علیهینه چیخاریلا‌جاق بوتون قانون‌لاری مانع تؤرتمگی قبول ائتدیگینی سؤیله‌دی.
ایران علیهین‌دکی تحریملرین 10 ایل اوزادیلماسینی ایچه‌رن قانون لاییحه‌سی، ایکی هفته اوّل نماینده‌لر مجلیسینده سس چوخلوغو ایله قبول ائدیلمه‌سی‌نین آردین‌دان دونن ده سناتو‌دان کئچمیشدی.
لاییحه‌نین قانونلاشماسی اوچون اوباما طرفین‌دن ایمضالانماسی لازیم‌دیر.
ایلگیلی‌لی خبرلر
ایسرائیل‌ین غزه‌یه هوجوملاریندا ۴۴ فیلیسطین‌لی حیاتینی ایتیریب
ایسرائیل سپتامبرین۲۰-سی جومعه سحریندن اعتباراً غزه‌یه بیر چوخ هاوا هوجومو حیاتا گئچیریب
