کویتده حکومت ایستعفاسینی وئردی
باش ناظیر شیخ جابر موبارک الصباح، حکومتینین ایستعفاسینی بیان ساراییندا کویت امیری شیخ صباح احمد جابر الصباحا تقدیم ائتدی
کویتده دونن رسمی نتیجهلری آچیقلانان پارلامنت سئچیملرینین آردیندان حکومت ایستعفاسینی وئردی.
باش ناظیر شیخ جابیر موبارک الصباح، حکومتینین ایستعفاسینی بیان ساراییندا کویت امیری شیخ صباح احمد جابر الصباحا تقدیم ائتدی.
ایستعفا متنینده، پارلامنت سئچیملرینین دوروست و شفاف اولدوغو، رسمی اولاراق بوتون نتیجهلرین آچیقلاندیغی ایفاده ائدیلهرک، آنایاسانین 57نجی مادهسینه اویقون اولاراق ناظیرلر کابینهسینین ایستعفاسینین تقدیم ائدیلدیگی قید ائدیلدی.
آنایاسانین 57نجی مادهسی، پارلامنت سئچیملرینین آردیندان حکومتین یئنیدن قورولماسینی نظرده توتور.
کویتدکی 50 صندلیک مجلیسده آرالاریندا اسکی میلی مجلیس باشقانی مرزوق علی الغانمین ده اولدوغو 20 میلت وکیللی صندلینی قوروموشدو.
اؤلکهده سون 10 ایل ایچینده یئددینجی دفعه مجلیس سئچیملری اوچون صاندیق باشینا گیدیلمیشدی.
بئش سئچیم بؤلگهسینده 14و قادین 293 نامیزدین یاریشدیغی سسوئرمهده بیر قادین میللت وکیلی ده مجلیسه گیرمهیه حاق قازانمیشدی.
کویت امیری شیخ صباح احمد جابر الصباح، 16 اوکتوبردا یایینلادیغی قرارنامه ایله مجلیسی لغو اؤلکهنی 2006-جی ایلدن بو یانا یئددینجی دفعه عمومی سئچیمه آپارمیشدی.
اؤلکهده کمر سیخما سیاستی و یاناجاق قیمتلرینین یوکسلمهسینین آردیندان حکومت ایله مجلیس آراسینداکی موناقیشهنین بؤیومهسینین بو قراردا تأثیرلی اولدوغو ایفاده ائدیلیر.
ایلگیلیلی خبرلر
بو ایل 40 مین ایسرایللی اؤلکهنی ترک ائدیب
2024-جو ایلین ایلک 7 آییندا 40 مین ایسرایللی اؤلکهنی ترک ائدیب.