روسیا اقتصاد باخانی گؤز آلتینا آلیندی
دؤولت باشقانی ولادیمیر پوتینه اولیوکایئوین گؤزآلتینا آلینماسینا باغلی بیلگی وئریلدی
روسیا اقتصاد باخانی آلئکسی اولیوکایئو روشوت آلدیغی یولون‌داکی شبهه‌لر سببیله گؤز آلتینا آلیندی.
روسیا سوروشدورما کمیته‌سیندن وئریلن آچیقلامایا گؤره، اولیوکایئو، دؤولت نفت شیرکتی روس‌نفتین، باش‌نفت شیرکتی‌نین سهم‌لرینی ساتین آلابیلمه‌سی اوچون باخانلیق آدینا مثبت دگرلندیرمه وئرمه‌سی قارشیلیغیندا روس‌نفتدن 2 میلیون د‌لار قازانج تامین ائتدیگی شبهه‌سی سببیله گؤزآلتینا آلیندی.
آچیقلامادا، روس‌نفت یئتکیلی‌لری‌نین روشوت وئرمه‌لری قونوسوندا تهدید ائدیلدیگی قید ائدیلدی.
کمیته‌یه گؤره اولیوکایئو روشوتی قبول ائتدیگی سیرادا گؤزآلتینا آلیندی.
دؤولت باشقانی ولادیمیر پوتینه اولیوکایئوین گؤزآلتینا آلینماسینا باغلی بیلگی وئریلدی.
حکومت‌دن وئریلن آچیقلامادا، باشباخان دمیتری مدودئوین اولیوکایئوین گؤزآلتینا آلینماسینی پوتین ایله دانیشیدیغی قید ائدیلدی.
آچیقلامادا، "باشباخان بو مسئله‌نین چوخ قابسام‌لی بیر شکیلده سوروشدورولماسی لازیم اولدوغونا اینانیر" دئییلدی.
کرملین سؤزچوسو دمیتری پئسکوو ایسه، باش‌نفتین ساتین آلینما ایشلم‌لری‌نین یئنی‌دن دگرلندیریلیب دگرلندیریله‌ممه‌یه‌جگی قونوسوندا یوروم وئرمکدن امتناع ائتدی.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
