موصولو داعشدن قورتارما عملیاتی اثناسیندا جنوب جبهه‌سینده 955 تروریست اؤلدورولدو
سعد معن، موصولون جنوبوندا کاییارادا ائتدیگی مطبوعات کونفرانسیندا، امنیت گوج‌لری‌نین موصولدا قورتاریلان بیر چوخ بؤلگه‌نی یئرلی پولیس گوجونه تسلیم ائتدیگینی و اراضی‌نین اونلار طرفیندن کونترول ائدیلدیگینی سؤیله‌دی
عراق‌دا موصولو داعشدن قورتارما عملیاتی اثناسیندا جنوب جبهه‌سینده 955 تروریست اؤلدورولدو، 108ی ده توتولدو.
اورتاق عملیات‌لار قوموتانی سؤزچوسو سعد معن، موصولون جنوبوندا کاییارادا ائتدیگی مطبوعات کونفرانسیندا، امنیت گوج‌لری‌نین موصولدا قورتاریلان بیر چوخ بؤلگه‌نی یئرلی پولیس گوجونه تسلیم ائتدیگینی و اراضی‌نین اونلار طرفیندن کونترول ائدیلدیگینی سؤیله‌دی.
"موصولون هامی‌سیندا اراضی ایداره‌سینی یئرلی پولیسه تسلیم ائدجگیک." دئین معن،
" امنیت گوج‌لریمیز وطنداش‌لارین قورونماسی اوچون باش ناظیر عبادی‌نین تعلیماتینا اویور. ایندییه قدر جنوب جبهه‌سینده 955 تروریستی اؤلدوردوک و 108ینی ده نظارته آلدیق." دئدی.
معن،
"عملیات‌لار بوتون جبهه‌لردن داوام ائدیر و هئچ بیر دوراخساما یوخ‌دور." ایفاده‌سینی ایستیفاده ائتدی.
عراقین 2-جی بؤیوک شهری موصولون ترور تشکیلاتی داعشدن تمیزلنمه‌سی اوچون، عراق اوردو بیرلیک‌لری، پئشمرگه گوج‌لری و بؤیوک اکثریتینی بعشیقه کامپینداکی تورک عسگرلری‌نین اؤیرتدیگی نینوا موجاهیدلری، 17 اوکتوبردا عملیات باشلادمیشدی.
