یمنده، 72 ساعتلیق آتشکس یئرلی ساعتلا 23.59 'ده باشلادی
آتشکسه باخمایاراق یمنده تهلوکهنین داوام ائتدیگی ایفاده ائدیلن آچیقلامادا، هاوادان و دنیزدن، حوثیلر ایله آشمیش لیدر علی عبدالله صالح طرفدارلارینین احتیمالی حرکتلنمهیه ریسکینه قارشی کشف اوچوشلارینین سوردورولهجگی بیلگیسی وئریلدی
یمنده، بیرلشمیش میللتلر تشکیلاتینین تکلیفیله قرارلاشدیریلان 72 ساعتلیق آتشکس، اؤلکه ایچینده یئرلی ساعتلا 23.59 'ده ایجرایه گیردی.
سعودی عربیستان رسمی خبر آژانسینا SPA-نین خبرینه گؤره، کوالیسیون گوجلری طرفیندن ائدیلن آچیقلامادا، یمن پرزیدنتی عبدالربو منصور هادینین طلبینه تابع اولوب، اینسانی و طیبی یاردیملارین خالقا پایلانماسی اوچون اؤلکه ایچینده اعتبارلی اولاجاق چاتیشمالارین دایانماسی راضیلاشماسینین یئرلی ساعتلا 23.59 'دا باشلادیغی و بونا باغلی قالاجاقلاری بیلدیریلیر.
آتشکسه باخمایاراق یمنده تهلوکهنین داوام ائتدیگی ایفاده ائدیلن آچیقلامادا، هاوادان و دنیزدن، حوثیلر ایله آشمیش لیدر علی عبدالله صالح طرفدارلارینین احتیمالی حرکتلنمهیه ریسکینه قارشی کشف اوچوشلارینین سوردورولهجگی بیلگیسی وئریلدی.
پرزیدنتی هادی، داها اوّل ائتدیگی آچیقلامادا، آتشکسه "مثبت" یاخلاشاجاقلارینی ایفاده ائتمیشدی.
بیرلشمیش میللتلر تشکیلاتی، یمنده 19 اوکتوبر چرشنبه گونو یئرلی ساعتلا 23.59 'دا اؤلکه ایچینده اعتبارلی اولماقلا 72 ساعتلیق چاتیشمالارین دایانماسی راضیلاشماسینین ایجرایه گیرجگینی بیلدیرمیشدی.
لندنده 16 اوکتوبردا بیر آرایا گلن اینگیلتره خاریجی ایشلر ناظیری بوریس جانسون، آمریکا خاریجی ایشلر ناظیری جان کری و بمت یمن اؤزل نمایندهسی اسماعیل ولد الشیخ احمد، ائتدیکلری اورتاق آچیقلامادا، یمندکی چاتیشمالارین اولوسلار آراسی قایغیلاری آرتیردیغینی و اؤلوملرین قبول ائدیله بیلمز سویهده اولدوغونا دقتی چکهرک، "آتشکس تامین ائدیلمهلی و بیرلشمیش میلتلر بو آتشکسه لیدرلیک ائتمهلی." ایفادهسینه یئر وئرمیشدی
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.