فیلیسطینلی و ایسرائیللی قادینلار، غرب شرعییهدن قودسه، باریش گؤستریسی ائتدی
قادینلارین گؤستریسی قودسده، ایسرائیل باش ناظیری بنیامین نتانیاهونون ائوینین اؤنوندکی میتینگله سون تاپدی
فیلیسطینلی و ایسرائیللی قادینلار، غرب شرعییهدن قودسه، باریش گؤستریسی ائتدی.
اوردون مرزینده توپلانان آغ پالتارلار ایچیندکی فیلیسطینلی و ایسرائیللی قادینلار، باریش ایستکلرینی دئدیلر.
قادینلار، ایسرائیل ایشغالینین سونا چاتماسی و باریشین تامین ائدیلمهسی دیلکلرینی، آفیشلرله، شعارلارلا ائشیتدیرمهیه چالیشدیلار.
قادینلارین گؤستریسی قودسده، ایسرائیل باش ناظیری بنیامین نتانیاهونون ائوینین اؤنوندکی میتینگله سون تاپدی.
باریش آکتیویستلری بورادا دا ایستکلرینی ماهنیلارلا تزهلهدی.
قادینلار، ایسرائیل-فیلیسطین موناقیشهسینین حلّی اوچون باریش دانیشیقلارینین یئنیدن باشلاماسی چاغیریشی ائتدیلر.
باریش گئدیشینه 2011 نوبل باریش اؤدولونو پایلاشان، قادین و اینسان حاقلاری ساوونجوسو لیبریالی لیماه گبوی ده دستک وئردی.
ایسرائیل ایله فیلیسطین آراسینداکی باریش دانیشیقلاری، ایسرائیلین یهودی مسکونلاشما یئرلری تیکینتیسینی دوردورماماسی اوزرینه ایکی ایل اوّل کسیلمیشدی.