عباس و نتانیاهو آراسیندا سوز دوئلی

بیرلشمیش میللتر عمومی قورولوندا فیلیسطین دؤولت باشقانی محمود عباس ایله اسرائیل باش ناظیری بنیامین نتانیاهو آراسیندا سؤز دوئلینه صحنه اولدو.

محمود عباس ایشغال آلتین‌داکی تورپاق‌لاردا اولان یهودی یاشاییش مرکزلری‌نین تیکیلمه‌سی ایکی دؤولت‌لی حل اومودونو یوخ ائتدیگینی دئدی.

عباس خبردارلیق ائتمک مجبوریتینده اولدوغونو دیله گتیره‌رک دئدی کی، اسرائیل‌ین یهودی یاشاییش منطقه‌لرینی گئنیشلتمه پلان‌لاری 1967-جی ایلده کی سرحدلرینده ایکی دؤولت‌لی حله اساس‌لانان پلان‌دان گئریده نه قالیبسا اونو دا محو ائتمک عذره‌دیر. یهودی ساکینلر عینیله بیر ترور قروپو کیمی حرکت ائدیر. فیلیسطین‌لی عائله‌لره هوجوم‌ ائدیلر. تهلوکه‌سیزلیک شوراسیندا یهودی ساکین‌لرین ترورو و یاشاییش منطقه‌لری حاقیندا قرار قبول ائتدیرمک اوچون بوتون گوجوموزو اورتایا قویاجاغیق.

عباس چیخیشیندا اسرائیلی فیلیسطین‌لی‌لره قارشی ائتنیک تمیزلیک سیاستی ایزلمکده گوناهلاندیردی  فیلیسطین خالقی‌نین موقتی حل یول‌لاری قبول ائتمه‌یه‌جگینی بیلدیردی.

اسرائیلی موستملکچی‌لیک و تجاوزکارلیقدا گوناهلان‌دیران محمود عباس وورغولادی کی، اسرائیل گئرچک‌دن سوله ایستییرمی؟ تطبیق ائتدیگی سیاست‌دن ال چکمه‌یه حاضیردیرمی؟ بو اؤلکه آتشله اویناییر. بونون آخیری نه اولا‌جاق معلوم دئییل.

محمود عباس فیلیسطین تورپاق‌لاریندا یهودی‌لره بیر دؤولت وعد ائدن "بالفور بیاننامه‌سی"نین اوزریندن تقریباً 100 ایل کئچدیگینی خاطیرلادا‌راق، بو مؤضوع ایله علاقه‌لی اولا‌راق اینگیلترنی فیلیسطین خالقین‌دان عذر ایستمه‌یه چاغیردی.

اسرائیل باش ناظیری بنیامین نتانیاهو ایسه عباس‌ین "اصلینده باریش ایستمیرلر، تک دؤولت ایستییرلر" باره‌ده کی اتهامی قارشی‌سیندا فیلیسطین لیدرینی اسرائیل پارلامئنتینده چیخیش ائتمه‌یه دعوت ائتدی.

نتانیاهو اؤزونون ده فیلیسطین پارلامئنتینده چیخیش ائده بیله‌جگینی سؤیله‌دی.

یهودی یاشاییش منطقه لرینه دایر اتهام‌لارا اؤتری جاواب وئرن نتانیاهو دئدی کی، فیلیسطین‌لی‌لرله آرامیزدا اساس مسئله بو دئییل‌دیر.