آمریکا، ایسرائیله 30 میلیارد دولارلیق نیظامی یاردیم ائتمهیه حاضیرلاشیر
بونون دا، آمریکا پرزیدنت سئچیملرینده تأثیری یوکسک اولان یهودی لوببیسینین، کلینتونا دستگینی آرتیرماسینا سبب اولاجاغی نظرده توتولور
![آمریکا، ایسرائیله 30 میلیارد دولارلیق نیظامی یاردیم ائتمهیه حاضیرلاشیر](http://cdn.trt.net.tr/images/xlarge/rectangle/4596/6522/ab55/57d8ddf9c1eef.jpg?time=1718864088)
آمریکا، تاریخینین ان بؤیوک نیظامی یاردیمینی ایسرائیله ائتمهیه حاضیرلاشیر.
آمریکا خاریجی ایشلر ناظیرلیگینده ایمضالاناجاق راضیلاشما سندی ایله واشینگتونون ایسرائیله 38 میلیارد دولارلیق نیظامی یاردیمینین یولو آچیلاجاق.
ایکی اؤلکه آراسیندا 30 میلیارد دولارلیق یاردیمین تعهد ائدیلدیگی اوّلکی راضیلاشمانین مدتی 2018-جی ایلده سونا چاتیر.
واشینگتون، ایسرائیله یؤنلیک نیظامی یاردیمی آز قالا اوچده بیر نیسبتینده آرتیما گئدهرک، 10 ایل عرضینده 38 میلیارد دولار نیظامی یاردیم ائدهجک.
آنلاشما سندی ایله گتیریلن یئنی تنزیملمهنین، آمریکا دولتی ایله ایسرائیل آراسیندا سون دؤورده یاشانان گرگینلیگی سونا چاتدیرماسی گؤزلنیلیر.
چونکی، اوباما رهبرلیگینین، گرک یهودی مسکونلاشمالارینا گتیردیگی تنقیدلر گرکسه ایران ایله کئچن ایل الده اولونان نوکلئر راضیلاشما، طرفلر آراسیندا بحرانا سبب اولموشدو.
سؤز موضوعسو راضیلاشما، ایسرائیلین آنتی راکت سیستملرینین اینکیشاف ائتدیریلمهسینی ده ایچهرهجک.
بئلهجه یهودی لوببیسینین بو موضوعدا آمریکان کونگرهسینه ائتدیگی باسقی دا یونگوللشدیریلمیش اولاجاق.
راضیلاشمانین آز دا اولسا دموکراتلارا دا یارایاجاق.
"نیظامی یاردیم، دموکرات پارتیسینین پرزیدنتلیگه نامیزدی و اوباما رهبرلیگینین اسکی خاریجی ایشلر ناظیری هیلاری کلینتونون اؤنوموزدکی مدتده ایسرائیله دستگینی آرتیراجاق" آچیقلامالاری ائدیلیر.
بونون دا، آمریکا پرزیدنت سئچیملرینده تأثیری یوکسک اولان یهودی لوببیسینین، کلینتونا دستگینی آرتیرماسینا سبب اولاجاغی نظرده توتولور.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718864088)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب