ایبراهیم قالین ترور تشکیلاتی ی.پ.گ موضوعسوندا آمریکا ایله بیر راضی‌لیق ساغلانمادیغینی سؤیله‌دی
فیرات قالخانی عملیاتی و سوریه‌ده یاشانان اینکیشاف‌لارا دا توخونان قالین، پرزیدنت اردوغانین G-20 ایجلا‌سیندا اوباما و پوتین ایله حلب موضوعسوندا آیری بیر گؤروشمه ائتدیگینی ده سؤیله‌دی
تورکیه پرزیدنت سؤزچوسو ایبراهیم قالین ترور تشکیلاتی پ.ک.ک-نین سوریه داوامی ی.پ.گ موضوعسوندا آمریکا ایله بیر راضی‌لیق ساغلانمادیغینی سؤیله‌دی.
قالین، خصوصی بیر تلویزیون کانالیندا سوال‌لاری جوابلادی.
ی.پ.گ موضوعسوندا آمریکالیلارلا آنلاشما اولمادیغینی سؤیله‌ین قالین،
"منبیچ‌دن بوتون ی.پ.گ عضولری‌نین تمیزلنمه‌سی ایصراریمیزی داوام ائتدیریریک. آمریکا، ی.پ.گ-نین فیرات چایی‌نین شرقینه کئچدیگینی سؤیله‌ییر. ی.پ.گ-نین چکیلدیگینی بیزیم قایناق‌لار دا دوغرولاما‌لی. ی.پ.گ عضولری فیراتین غربینه کئچسه بیزیم اوچون قانونی هدف اولورلار" دئیه دانیشدی.
قالین بئله داوام ائتدی:
"ی.پ.گ و پ.ی.د پ.ک.ک-نین داوامی‌دیر. بیر ترور تشکیلاتینی باشقا بیر ترور تشکیلاتییلا اورتا‌دان قالدیرامازسینیز. بیز سوریه‌نین اراضی بوتونوغونو محافظه ائده‌جک شکیلده داعش ایله موباریزه ائدیلمه‌سینی ایستییریک."
فیرات قالخانی عملیاتی و سوریه‌ده یاشانان اینکیشاف‌لارا دا توخونان قالین، پرزیدنت اردوغانین G-20 ایجلا‌سیندا اوباما و پوتین ایله حلب موضوعسوندا آیری بیر گؤروشمه ائتدیگینی ده سؤیله‌دی.
قالین، حلب‌ده آتشکسین نه واخت باشلایاجاغینا یؤنلیک سوا‌لی " نهایی آتشکس راضیلاشماسینی گؤزلییریک. اومیدیمیز بایرام‌دان اوّل آتشکسین اولماسی یؤنونده" شکلینده جوابلادی.
فیرات قالخانی عملیاتی‌نین باشاریلی بیر شکیلده داوام ائتدیگینی و داعش منسوب‌لاری‌نین تورکیه مرزین‌دن تمیزلندیگینی یازان قالین، عملیاتا روسیا لیدری پوتین‌ین ده دستک وئردیگینی سؤیله‌دی.
چین‌ده ائدیلن G-20 ایجلاسینا دا توخونان قالین،
"ترورلا موباریزه و قاچقین پروبلمی اؤنه چیخان باشلیق‌لاردی. پرزیدنتیمیز و دیگر لیدرلر بو موضوعنو اطراف‌لی بیر شکیلده اله آلدی‌لار" دئدی.
پرزیدنت اردوغانین ائتدیگی ایکیطرف‌لی دانیشیق‌لاردا 15 ژوئیه کودتا گیریشیمینی و فتونو ایضاح ائتدیگینی سؤیله‌ین قالین، امکداشلیغین چوخ وئریملی کئچدیگینی ایفاده ائتدی.
قالین، اوروپا بیرلیگی‌یه ویزا معافیتی‌نین ایل سونونا تاخیره سالیندیغی ادعا‌لاری اوچون ده بون‌لاری سؤیله‌دی:
"ویزا معافیتینده ایل سونو کیمی بیر تقویم سؤز موضوعسو دئییل. بو موضوعنون بیر آن اوّل حیاتا کئچیریلمه‌سی موضوعسوندا پروسه‌نین سورعتلندیریلمه‌سی قراری چیخدی. ویزا کئچید و گئری قبول راضیلاشماسی عینی واختدا تطبیق اولونما‌لی."
