عراق باش ناظیری حیدر العبادی: انبار ویلایتینه باغلی جزیره التول هالیدیه داعشدن تامامیله قورتاریلدی

عراق باش ناظیری حیدر العبادی، اؤلکه‌نین غربین‌دکی انبار ویلایتینه باغلی جزیره التول هالیدیه بؤلگه‌سی‌نین ترور تشکیلاتی داعشدن تامامیله قورتارما عملیات‌لارین سونا چاتدیغینی ایفاده ائتدی.

عبادی، ائتدیگی یازیلی آچیقلامادا، "عزیز خالقیمیزا هالیدیه عملیات‌لاری‌نین سونا چاتدیغینی ائشیتدیریریک." ایفاده‌سینی ایستیفاده ائتدی.

جزیره التول هالیدیه بؤلگه‌سی‌نین تامامیله داعشدن تمیزلندیگینی، چوخ سایدا ترورچونون اؤلدورولدوگونو و تشکیلاتین بؤیوک ایتکی‌لر وئردیگینی دیله یازان عبادی، عراق خالقینی قازاندیق‌لاری ظفرلردن اؤتورو قید ائتدی.

عبادی آیریجا سون اولا‌راق کایارا‌دان دا تمیزلنن داعشین وئردیگی ایتکی‌لرین داوام ائتدیگینی ایفاده ائتدی.

عراق گوجلری سوریه، اوردون و سعودی عربیستانا مرزی اولان انبار ویلایتی‌نین ترور تشکیلاتی داعشدن قورتاریلماسی اوچون شیعه قروپ‌لار و سوننی طایفه‌لاری دا دستک وئردیگی عملیات‌لارینا داوام ائدیر.