اردوغان – پوتین گؤروشو روسیانین مئدیاسیندا گئنیش عکس اولوندو
دؤولت باشچیسی رجب طیب اردوغانین روسیا پرزیدئنتی ولادیمیر پوتین ایله سن پترزبورگدا کئچیردیگی گؤروش پروسئسی دونن بو اؤلکهنین مئدیاسیندا گئنیش عکس اولوندو.
دؤولت باشچیسی رجب طیب اردوغانین روسیا پرزیدئنتی ولادیمیر پوتین ایله سن پترزبورگدا کئچیردیگی گؤروش پروسئسی دونن بو اؤلکهنین مئدیاسیندا گئنیش عکس اولوندو.
"تاس" خبر آژانسی ایکی لیدر آراسینداکی مطبوعات کونفرانسینین دئتاللارینی عکس ائتدیردیگی خبرین باشلیغیندا اردوغانین پوتین اوچون سؤیلهدیگی "دوستوم ولادیمیر" ایفادهسیندن ایستیفاده ائتدی.
"اینترفاکس" خبر آژانسی اردوغانین پوتینی "دوستوم" اولاراق خاراکتئریزه ائتمهسینی اؤن پلانا چکهرک، علاقهلرین نورماللاشما پروسئسینه توخوندو.
"ریا" اورتاق مطبوعات کونفرانسیندان سونرا خبرینی "تورک آخینی، چارئر و سوریه: پوتین و اردوغان اورتاق هدفینی آچیقلادی” باشلیغی ایله چاتدیردی.
"کومسومولسکایا پراودا"نین اینترنت سایتینداکی خبرده پوتین و اردوغانین علاقهلری یئنیلمک ایستدیگی بیلدیریلدی.
" راسسیسکایا گازتا" اورتاق مطبوعات کونفرانسیندان درحال سونرا خبری "پوتین اردوغان ایله کئچیردیگی گؤروشو اهمیتلی و یاپیجی اولاراق دیرلندیردی" تیتریله اوخوجولارا چاتدیردی.
"اسپوتنیک" اردوغان و پوتیننین گؤروشونو " سن پترزبورگدا تاریخی زیروه" اولاراق دیرلندیردی.
روس دؤولت تلویزیونی "روسیا 24" ایسه گؤروشدن اول و سونراکی پروسئسی جانلی یاییملا ایجتیمایته چاتدیردی.