سوریه‌ده آغیر ایتکی وئرن ایران عسگرلری گئری دؤنور

سوریه‌ده آغیر ایتکی وئرن ایران عسگرلری گئری دؤنور

ایران‌لی طلبه خبر آژانسی‌نین (ایسنا) خبرینه گؤره، اینقیلاب گؤزتچی‌لری سؤزچوسو حسین علی رضایی، سوریه‌یه گؤندریلن 25. کربلا اوردوسونا باغلی عسگرلرین بؤلگه‌دن آیریلا‌راق اؤلکه‌یه دؤندوگونو ایفاده ائتدی.

حلب‌ین جنوبون‌داکی خان طومان منطقه‌سینده چیخان چاتیشما‌لاردا حیاتینی ایتیرن عسگرلردن 12سی‌نین جسدی‌نین مخالیف قروپ‌لارین الینده اولدوغونو و بؤلگه‌دکی چاتیشما‌لار سببیله اونلاری گتیره مدیکلرینی بیل‌دیرن رضایی، معا‌لیجه‌سی داوام ائدن یارا‌لی 21 عسگردن 9-ونون اؤلکه‌یه نقل ائدیلدیگینی قید ائتدی.

خان طومانین غرب سمت‌لرینده سوریه رژیمینه عاید گوجلر و مخالیف فتح اوردوسو آراسیندا جمعه گونو چیخان چاتیشما‌لارین آردین‌دان، خان طومانین هامیسی اوردونون علینه کئچمیشدی.

چاتیشما‌لار زامانی رژیم و ایران گوجلری آغیر ایتکی‌لر وئرمیشدی.

اینقیلاب گؤزتچی‌لری قوموتانلیغینجا ائدیلن آچیقلاما‌لاردا، چاتیشما‌لاردا آرا‌لاریندا 2 اوست سویه قوموتان دا اولماق عذره جمعی 15 ایران عسگری‌نین اؤلدوگو ایفاده ائدیلسه ده مخالیف قایناق‌لار، 50ین اوزرینده ایران‌لی عسگر و میلیتانی اؤلدورولدوگونو ادعا ائدیر.

ایران مئدیاسی ایسه حادثه‌نی "فاجعه" اولا‌راق آدلاندیریر.

اسد رژیمی‌نین حلب‌ده آتشکسه باخمایا‌راق تشکیل ائتدیگی سالدیری‌لاری گؤرممزلیک‌دن گلن ایران‌لی مسئول‌لار، سوریه‌دکی مخالیف قروپ‌لارین میدانا گتیردیگی فتح اوردوسونون حلبدکی آتشکسی پوزدوغونو، بو سببله رژیم گوجلری و موتتفیق‌لری‌نین آغیر ایتکی‌لر وئردیگینی ادعا ائدیر.