عرب بیرلیگی،اسد رژیمینی قینادی
احمد بن هیلو، توپلانتی‌نین آردین‌دان تشکیل ائتدیگی مطبوعات کونفرانسیندا، سوریه رژیمی طرفین‌دن حلب‌ده وطنداش‌لارا تطبیق اولونان وحشی‌لیگی قینادیق‌لارینی آچیقلادی
عرب بیرلیگی، سوریه‌ده اسد رژیمی طرفین‌دن حلب و اطرافیندا وطنداش‌لارا قارشی اولان سالدیری‌لاری قینادی.
قطرین چاغیریشی اوزرینه، عرب بیرلیگی، موضوعیلا باغلی اولا‌راق فوق ا‌لعاده توپلاندی.
بحرین باشقانلیغیندا تشکیل ائدیلن ییغینجاغا، عرب بیرلیگی‌نین باش کاتیبی نبیل العربی ده قاتیلدی.
عرب بیرلیگی باش کاتیب معاوینی احمد بن هیلو، توپلانتی‌نین آردین‌دان تشکیل ائتدیگی مطبوعات کونفرانسیندا، سوریه رژیمی طرفین‌دن حلب‌ده وطنداش‌لارا تطبیق اولونان وحشی‌لیگی قینادیق‌لارینی آچیقلادی.
سالدیری‌لارین اولوسلار آراسی موقاویله‌لره ضد اولدوغونو وورغولایان هیلو؛
"بیرلشمیش میللت‌لر تشکیلاتی‌نین امنیت شوراسینی، سوریه رژیمی‌نین بوتون اؤلکه اراضی‌سین‌دکی سالدیری‌لارینی بیر آن اوّل دایاندیرماسی اوچون حرکته کئچمه‌یه و لازیم اولان قرارلاری آلماغا چاغیریریق" دئدی.
هیلو، سالدیری‌لارا اورتاق اولان طرف‌لرین، اولوسلار آراسی محکمه‌ده محاکیمه اولونماسی موضوعسوندا لازیم‌لی آددیم‌لارین آتیلماسی اوچون ده اولوسلار آراسی جمعیته مراجعت ائتدی
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
