حسن روحانی اوروپا تورونا چیخدی

ایران پرزیدنتی حسن روحانی، اؤلکهسینه یؤنلیک تحریملرین قالدیریلماسینین آردیندان اوروپا تورونا چیخدی.

حسن روحانینین ایلک دایاناجاغی ایتالیادا همکاری سرجیو ماتارلا ایله گؤروشدو، سونرا، ایتالیا باش ناظری ماتئو رنزی ایله گؤروشهجک.

گؤروشمهلرده، روحانینین ایراندان آیریلمادان اوّل ایفاده ائتدیگی یول نقشهلری اوزرینده راضیلاشماغا چاتمالاری گؤزلنیلیر.

ایران ایله ایتالیا آراسینداکی ایللیک 7 میلیارد آورولوق تیجارت، تحریملرین تأثیری 2012ده بو یانا 1 میلیارد 200 میلیون آورویا قدر دوشموشدو.

گؤروشمهلرین بو ائنیشی ترسینه چئویرمهسی گؤزلنیلیر.

چونکی تحریملارین قالخماسینین آردیندا، ایتالیان ایش آداملاری، آچیلان بو یئنی بازارا گیرمک ایستییر.

ایران پرزیدنتی روحانی، 500 یاخین ایتالیان تشببوسکارین قاتیلاجاغی اقتصادی فورومدا دا دانیشاجاق.

حسن روحانی، پاپا فرانسیس ایله ده گؤروشهجک.

بو زیارت 1999-جو ایلده، دؤورون پرزیدنتی محمد خاتمیدن بو یانا، واتیکانا ائدیلن ایلک رسمی زیارت اولاجاق.

روحانی، ایتالیانین آردیندان گؤروشمهلرینی، نوامبر آیینداکی پاریس سالدیریلاری سببیله تاخیره سالینان فرانسا گزینتیسی ایله داوام ائتدیرهجک.

ایران پرزیدنتینین فرانسادا، تحریملرین قالدیریلماسینین آردیندان ایلک بؤیوک تیجارت موقاویلهنی ائتمهسی گؤزلنیلیر.

هاواچیلیغینی مودرنیزه ائتمهلری لازیم اولدوغونو سؤیلهین ایران، 114 آیربوس یولچو اوچاغی آلماغا حاضیرلاشیر.