روسیا خیال قیریق‌لیغی یاشادی
عراقین بیرلشمیش میلت‌لردکی دایمی نماینده‌سی عراقین قونونو تورکیه ایله ایکی‌لی اولا‌راق حل ائتمک ایسته‌دیگینی قید ائتدی
روسیا، بیرلشمیش میلت‌لر تشکیلاتی گوونلیک شوراسیندا خیال قیریق‌لیغی یاشادی.
روسیانین بیرلشمیش میلت‌لردکی دایمی نماینده‌سی چورکین، اؤز طلبلریله تشکیل ائدیلن "تورکیه‌نین عراق‌داکی ائییتیم بیرلیگی" قونولو توپلانتیدا آرزو ائتدیک‌لری باشارینی ساغلایابیلمه‌دیک‌لرینی سؤیله‌دی.
روسیانین بیرلشمیش میلت‌لردکی دایمی نماینده‌سی ویتالی چورکین، ژورنالیست‌لرین، "بئله بیر توپلانتییا نه اوچون گرک دویدونوز؟" سوالینا جاواب،
"عراق، گوونلیک شوراسینا مکتوب گؤندردی. بو بیزیم قاپا‌لی توپلانتی اوچون حرکته گئچمه‌میزه سبب اولدو" دئدی.
عراقین بیرلشمیش میلت‌لردکی دایمی نماینده‌سی محمد علی الحکیم ایسه عراقین قونونو تورکیه ایله ایکی‌لی اولا‌راق حل ائتمک ایسته‌دیگینی قید ائده‌رک،
"بیز قونونو آنکارا و بغداد آراسیندا ایکی‌لی اولا‌راق دانیشیریق. احتیاجیمیز اولدوغوندا قونونو مکتوبلا گوونلیک شوراسینا بیلدیرریک. آنجاق بغداد هله گوونلیک شوراسینا مکتوب گؤندرمه‌دی. چورکینین بحث ائتدیگی مکتوب ظنیمجه 25 ژوئن 2014ده‌کی مکتوب‌دور" دئدی.
توپلانتیدا آرزو ائتدیک‌لری باشارینی ساغلایامادیق‌لاری اوچون خیال قیریق‌لیغینا اوغرادیق‌لارینی سؤیله‌ین چورکین، روس ساواش اوچاغی‌نین دوشورولمه‌سی قونوسونون گوندمه گلمدیگینی ایفاده ائتدی. چورکین، بو قونونون عراق مسئله‌سی ایله ایلگی‌سی اولمادیغینی، بونا گؤره گوندمه گتیرمدیک‌لرینی سؤیله‌دی.
تورکیه‌نین بیرلشمیش ملتلردکی دایمی نماینده‌سی خالد چئویک ده مطبوعات منسوب‌لارینا، داعشله ساواشدا عراق خالقی و حؤکومتی ایله بیرلیکده اولدوق‌لارینی ایفاده ائده‌رک؛
"بو باغلامدا تورک عسگری ائییتیمچی‌لری بیر ایلدیر عراقدادیر. بو بیر سیر دئییل" دئدی.
ایلگیلی‌لی خبرلر
ایسرائیل‌ین غزه‌یه هوجوملاریندا ۴۴ فیلیسطین‌لی حیاتینی ایتیریب
ایسرائیل سپتامبرین۲۰-سی جومعه سحریندن اعتباراً غزه‌یه بیر چوخ هاوا هوجومو حیاتا گئچیریب
