ایران دا دعوت ائدیلدی

سوریه‌ده دؤرد ایلدن چوخدور داوام ائدن ایچ ساواشی چؤرومه قاووشدورماق اوچون اولوسلارآراسی تورپلانتی‌لارا ایلک دفعه ایران دا دعوت ائدیلدی.
دعوتین روسیا طرفین‌دن ایرانا چاتدیریلدیغی معلوماتینی وئرن آمریکا‌لی یئتکی‌لی‌لر، تهرا‌نین بو مرحله‌ده بیر جاواب وئرمه‌دیگینی آچیقلادی.
سوریه‌نین گله‌جیینه باغلی سون توپلانتی، 23 اکتبردا اتریشین باشکندی وین‌ده خاریجی ایشلر باخانی فریدون سینیرلی‌اوغلونون دا قاتیلیمی ایله تورکیه، آمریکا، روسیا و عربیستان خاریجی ایشلر باخانلاری آراسیندا ائدیلمیشدی.
بیر سونراکی گؤروشمه یارین جمعه آخشامی یئنه وین‌ده گئچیریله‌جک.
دانیشیق‌لارا دؤرد اؤلکه‌نین یانیندا بو دفعه آلمانیا، اینگیلتره، فرانسا، اردن و بیرلشمیش عرب امیرلیک‌لری یئتکی‌لی‌لری‌نین ده قاتیلماسی گؤزلنیلیر.
آمریکا، ایرانین اولوسلارآراسی توپلانتی‌لارا قاتیلما احتیمالینی بیر مدت‌دیر گؤز اؤنونده بولوندورورکن، عربیستا‌نین دا آرا‌لاریندا اولدوغو بعضی اؤلکه‌لر بونا قارشی چیخیر.