ویکیلیکسدن یئنی بلگه: "ایران آچمازی"
آغ ائوه گلهجک اولان یئنی باشقانا ایرانا قارشی یومشاق یاخینلاشماسی تؤوصیه ائدیلیر
ویکیلیکس اینترنت سایتی، آمریکا مرکزی خبر آلما تشکیلاتی سیآیای باشقانی جون برنانا عاید اؤزل الکترونیک پست بلگهلرینی یایینلادی.
"ایران آچمازی" باشلیغی داشییان بیر بلگهده، 2008.جی ایلدهکی پرزیدنت سئچیملرینین آردیندان آغ ائوه گلهجک اولان یئنی باشقانا ایرانا قارشی یومشاق یاخینلاشماسی تؤوصیه ائدیلیر.
یئنی پرزیدنته ایران قونوسوندا "اؤدول و جزا" یاناشیمی تؤوصیه ائدیلن سندده، دؤورون پرزیدنتی جورج بوش ایرانی "شر اوخو" اولاراق کاراکتریزه ائتدیگی اوچون جون برنان طرفیندن تنقید اولونور.
بلگهلرده استخباراتلا ایلگیلی یازیلار، ایران ایله ایلگیلی قیدلر، سیآیای سورغولاما تکنیکلری اوزرینه گؤروشمهلر و برنانین داها اؤنجه چالیشدیغی بیر فیرما حاقیندا بیلگیلر وار.
برنان و ائشینین سوسیال گوونلیک بیلگیلری ایله سیآیایده بیرلیکده چالیشدیغی ایش یولداشلاریندان بعضیلرینه عاید معلوماتلار دا سندلر آراسیندا یئر آلیر.
سیآیای، بلگهلرین یایینلانماسینین سوچ اولدوغونو آچیقلادی.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718852192)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب