اوروپا بیرلیگی ایله آمریکا ایرانا یؤنلیک ایلک آددیمی آتدی
اوروپا بیرلیگی خاریجی علاقه‌لر و گوونلیک سیاستی یوکسک نماینده‌سی فردریکا موگرینی، آنلاشمانین حیاتا کئچیریلمه‌سینه بیر آددیم داها یاخینلاشدیق‌لارینی سؤیله‌دی
اوروپا بیرلیگی ایله آمریکا بیرلشیک دولتلری، ایرانا تحریملرین قالدیریلماسی اوچون ایلک آددیمی آتدی.
تحریملرین قالدیریلماسی اوچون حاضیرلیق‌لاری باشلا‌دان اوروپا بیرلیگی، حقوقی چرچیونی قبول ائتدی.
اوروپا بیرلیگی خاریجی علاقه‌لر و گوونلیک سیاستی یوکسک نماینده‌سی فردریکا موگرینی، آنلاشمانین حیاتا کئچیریلمه‌سینه بیر آددیم داها یاخینلاشدیق‌لارینی سؤیله‌دی.
موگرینی، اوروپا بیلرلیگی-نین، ایرانا یؤنلیک بوتون اقتصادی و مالی تحریملرین قالدیریلماسی اوچون قانونی چرچیوه‌نی قبول ائتدیگینی آنجاق بونون بین الخالق آتوم انرژی‌سی آژانسی‌نین (UAEA) ایرانین نوکلئر تدبیرلری ایجرا ائتدیغینی تصدیق ائتمه‌سی هم زامان‌لی اولا‌راق ایجرایه گیره‌جگینی بیلدیردی.
آمریکا بیرلشیک دولتلری اوباما رهبرلیگی ده، مالیه ناظیرلیگی، تیجارت ناظیرلیگی و خاریجی ایشلر ناظرلیگینه گؤندردیگی یازیدا، واشینگتونون راضی‌لاشماقلا علاقه‌دار مسئولیت‌لرینی یئرینه یئتیرمک اوچون آلت قورولوشو حاضیرلاما‌لاری تعلیماتینی وئردی.
ایران دا اولوسلار آراسی آتوم انرژی‌سی تشکیلاتی‌نین، نوکلئر تاسیس‌لرینده آیرینتی یوخلاما ائتمه‌سینه ایجازه وئردی.
تشکیلاتین ایرانین راضیلیغا اویغون گلدیگینی تصدیق ائتمه‌سی حالیندا، تحریملرین قالدیریلماسی اوچون دویمه‌سینه باسیلمیش اولا‌جاق.
ایران، تحریملرین قالدیریلماسییلا بیرلیکده خاریجی سرمایه و توریست آخینیندان فیرلاما گؤزلییر.
ایران ایله بیرلشمیش میللت‌لر تشکیلاتی‌نین گوونلیک شوراسی‌نین 5 دایمی عضوو و آلمانیانین 14 ژوئیه‌ده اوتریش‌ین باشکندی وین‌ده چاتدیغی نوکلئر راضیلاشمانین، تصدیق پروسه‌سی‌نین تاماملانماسی حالیندا، ژانویه آیین‌دان سونرا ایجرایه گیرمه‌سی گؤزلنیلیر.
راضیلاشمانین، ایرانین نوکلئر پروقرامیندا گذشت‌لر وئرمه‌سی قارشیلیغیندا، بو اؤلکه‌یه تطبیق اولونان تحریملرین قالدیریلماسینی نظرده توتور.
