سوریه‌ده ترور تشکیلاتی داعشا آغیر ضربه وورولدو

سوریه‌ده ترور تشکیلاتی داعشا آغیر ضربه وورولدو.
سوریه‌لی موخالیف‌لرین وئردیگی معلوماتا گؤره، حمادا شنبه‌یه پازارا باغلایان گئجه، داعشین 16 ماشین‌لیک کونوویونا هاوا سالدیری‌سی ائدیلدی.
راککادا حمانین کیرسالینا گئدرکن وورولان کونوویدا ان آز 40 داعش‌لی تروریست اؤلدو.
موخالیف‌لر، سالدیری‌نین روس یا دا سوریه ساواش اوچاق‌لارینجا تشکیل اولا بیله‌جگینی بیلدیردی.
روسیانین هاوا سالدیری‌لاری اوزون‌دن داعشین راککایی بوشالدماغا چالیشدیغی ایفاده ائدیلیر.
روسیا ساوونما ناظیرلیگی، لازقیه، حما، شام و حلبده 50ین اوزرینده هدفی بومبالادیق‌لارینی، بون‌لارین آراسیندا تونل‌لرین ده اولدوغونو بیلدیردی.
موخالیف‌لر ایسه حمص‌دا روس اوچاق‌لاری‌نین بیر جنازه‌یه قاتیلان‌لارین بومبالادیغینی، 4 وطنداشین اؤلدوگونو بیلدیردی.
سوریه عسکرلری ده حمص بؤلگه‌سینده روس اوچاق‌لاری‌نین دستگینده یئنی بیر عملیات باشلاددی.
آمریکا بیرلشیک دولتلری ساوونما ناظیرلیگی پنتاقون دا، سوریه‌ده ائدیلن هاوا سالدیریسندا، القاعده باغلانتیلی خوراسان قروپونون مالی ایشلریندن مسئول لیدری سنافی النصر-ین اؤلدورولدوگونو آچیقلادی.
سعودی عربیستانی وطنداشی اولان النصر، کؤرفز بؤلگه‌سینده ییغدیغی هدیه‌لری القاعده‌یه چاتدیریر، تشکیلات اوچون ایشچی توپلاییر.
النصر، خوراسان قروپونون سون 4 آی عرضینده اؤلدورولن 5-جی اوست سویه مسئولو.
دیگر طرف‌دن، سوریه‌دن عراقین انبار شهرینه 3 نیظامی ماشین ایله بیرلیکده گیرن داعش میلیتان‌لارینا و رامادی‌یه باغلی القایم محلینده ده تشکیلاتا عایید بیر سلاح آنبارینا تشکیل ائدیلن سالدیری‌لاردا 11 قوموتا و 65 میلیتان اؤلدو.