ظریف‌دن تورکیه سفری‌نین ارته‌لنمه‌سینه دایر آچیقلاما
ایران خاریجی ایشلر باخانی محمد جواد ظریف، سببی "زامان سیخینتیسی" اولا‌راق آچیقلادی
ظریف‌دن تورکیه سفری‌نین ارته‌لنمه‌سینه دایر آچیقلاما گلدی.
چرشنبه آخشامی گونو آنکارادا اولماسی گؤزلنیلرکن سفرینی ارته‌له‌ین ایران خاریجی ایشلر باخانی محمد جواد ظریف، سببی "زامان سیخینتیسی" اولا‌راق آچیقلادی.
ظریف، تورکیه‌ده پرزیدنت رجب طیب اردوغان ایله باشباخان احمد داووداوغلو و خاریجی ایشلر باخانی مولود چاووش‌اوغلونون فرق‌لی شهرلرده اولماسی سببیله قیسا زاماندا اؤزلریله گؤروشمه ایمکانی اولمادیغی اوچون سفرین ارته‌لندیگینی بیلدیردی.
ایران‌لی باخان، لبناندا یاییملانان السفیر قازئته‌سینه؛
"پرزیدنت رجب طیب اردوغان ایستانبولدا، باشباخان احمد داووداوغلو و خاریجی ایشلر باخانی مولود چاووش‌اوغلو دا آنکارادا ایدی‌لر. بو اوچ گؤروشمه‌نین قیسا زامان دیلیمینده گرچکلشنه ایمکانی یوخ ایدی" دئدی.
ظریف، تورکیه‌نین، تهران ایله باتی اؤلکه‌لری آراسیندا واریلان نوکلئر آنلاشما‌دان ممنون اولوب اولمادیغی سوالینا دا؛
"اونلار بو آنلاشما‌دان صمیمیتله موتلو و ممنون. من بؤلگه‌دکی باشقا اؤلکه‌لرین ده بو آنلاشما‌دان ممنون اولماسینی اومود ائدیرم" جاوابینی وئردی.
ظریف، تورکیه سفرینی ائرته‌له‌دیکدن سونرا لبنان، سوریه و پاکیستانا گئده‌رک، بو اؤلکه‌لرین لیدئرلریله بیر آرایا گلمیشدی.
