ایران‌دان "باریش پلانی"
ظریف، تهران‌‌ین سوریه‌ده‌کی بحرانی سونا چاتدیرماق مقصدیله حاضیرلادیغی "باریش پلانی"نی سوریه‌لی یئتکی‌لی‌لرله پایلاشاجاق
سوریه‌ده رژیم گوج‌لری‌نین، باشکند دمشق یاخین‌لارین‌داکی داریادا تشکیل ائتدیگی بومبا‌لی سالدیری‌لاردا 31 وطنداش حیاتینی ایتیردی.
سالدیری‌لاردا چوخ ساییدا ائو و ایش یئرینده یانغین چیخدی.
داریا مئدیا مرکزی و سیویل ساوونما قروپ‌لاری، رژیم گوج‌لری‌نین ناپالم بومباسی ایستیفاده ائتدیگینی ادعا ائتدی.
مخالیف‌لرین راکت سالدیریسیندا ایسه بیر نفر اؤلدو، 20 نفر یارالاندی.
بو آرادا، ایران خاریجی ایشلر باخانی ظریف، رسمی گؤروشمه‌لر اوچون دمشقه گئدیر.
ظریف، تهران‌‌ین سوریه‌ده‌کی بحرانی سونا چاتدیرماق مقصدیله حاضیرلادیغی "باریش پلانی"نی سوریه‌لی یئتکی‌لی‌لرله پایلاشاجاق.
ایرانین یئنی باریش پلانیندا اؤنه چیخان دؤرد عنصور وار.
بحرانین سونا چاتماسی اوچون ایران، ایلک اولا‌راق عاجل آتیش‌کس تکلیف ائدیر. پلان، سونراکی مرحله‌ده، میلی بیرلیک حکومتی قورولماسینی، آزینلیق‌لارین قورونماسینی و دنه‌تیم‌لی بیر سئچیم ائدیلمه‌سینی اؤن گؤرو.
سوریه خاریجی ایشلر باخانی ولید معلیم و روسیا خاریجی ایشلر باخانی‌نین یاردیمچیسی میخایل بوگدانوو، هفته باشیندا تهراندا، پلانلا ایلگیلی فیکیر آلیش وئریشی ائتمیشدی.
