علی خامنه‌ای: ایران اوردوسو آمریکا تهدیدینه قارشی حاضیرلیق‌لی او
اصل تهدید قایناغینین آمریکا اولدوغونو مدافعه ائدن خامنه‌ای؛ - "قارشی طرف، آچیقجا دئمه‌سه ده بیزی نیظامی تهدید ائدیر. بیز ده بو احتیمالا حاضیر اولمالیییق" دئدی
ایرانین دینی لیدری آیت الله علی خامنه‌ای، آمریکا‌نین ایرانی نیظامی اولا‌راق تهدید ائتمکله گوناهلان‌دیرا‌راق، اوردونو بو تهدیده قارشی حاضیرلیق‌لی اولماغا چاغیردی.
خامنه‌ای، یوزلرله افسره خطاب اولا‌راق ائتدیگی دانیشمادا، آمریکا بیرلشیک دولتلری‌نین، نوکلئر سلاح سناریوسو یارادا‌راق ایرانی بیر تهدید کیمی گؤسترمه‌یه چالیشدیغینی ایره‌لی سوردو.
اصل تهدید قایناغینین آمریکا اولدوغونو مدافعه ائدن خامنه‌ای؛
- "قارشی طرف، آچیقجا دئمه‌سه ده بیزی نیظامی تهدید ائدیر. بیز ده بو احتیمالا حاضیر اولمالیییق" دئدی.
تهران رهبرلیگی‌نین نوکلئر پروقرامی موضوعسوندا ایران ایله آمریکا، اینگیلتره، فرانسا، آلمان، روسیا و چین آراسین‌داکی دانیشیق‌لاردا، آی باشیندا بیر راصیلیغا گلینمیشدی. دانیشیق‌لار ایرانین روحانی لیدری علی خامنه‌ای طرفیندن ده دستکلنمیشدی. خامنه‌ای‌نین دستگینی چکمه‌سی حالیندا ایسه دانیشیق‌لارین نتیجه‌سیز قالماسی سؤز قونوسو اولا بیلر.
ایران اینقیلاب گؤزتچی‌لری قوموتانی معاوینی حسین سلامی ده، چرچیوه موقاویله‌ده یئر آلان و نوکلئر تاسیسلرین اولوسلار آراسی آتوم انرژی‌سی تشکیلاتی طرفیندن نظارت نظرده توتان ماده‌یه قارشی چیخدی.
سلامی؛
- "بو ماده میللی آلچالدماق، اؤلکه‌نی ساتماق‌دیر، وطن خائینلیغی‌دیر" دئدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
