ایران ایله نوکلئر مذاکیرهلرده آنلاشما
ایران، تحریملرین قالدیریلماسی قارشیلیغیندا نوکلئر پروگرامینی محدودلاشدیرمانی قبول ائتدی
ایران ایله پ5 + 1 اؤلکهلری تهرانین نوکلئر پروگرامی ایله باغلی دانیشیقلاردا "آنا پارامترلرده" آنلاشدی.
ایران، تحریملرین قالدیریلماسی قارشیلیغیندا نوکلئر پروگرامینی محدودلاشدیرمانی قبول ائتدی. تهران، سانتریفوژ ساییسینی 19 میندن 6 مینه دوشوروجک.
داغ آلتینداکی فوردو تاسیسی ایسه آچیق قالاجاق و اورانیم زنگینلشدیرمه اوچون دئییل، آراشدیرما، گلیشدیرمه مقصدیله ایستیفاده ائدیلهجک.
آوروپا بیرلیگی یوکسک نمایندهسی فدریکا موگرینی، یئنی بیر رآکتورون تاساریمینینین دییشدیریلهجیینی و بو رآکتوردا نوکلئر سلاح اورتیمینده ایستیفاده ائدیلهجک سویهده اورانیم زنگینلشدیرمه ائدیلهممهیهجگینی ایفاده ائتدی.
ایرانین تعهدلارینی یئرینه گتیردیگی اولوسلارآراسی اتم انرژیسی آژانسی طرفیندن دوغرولانیرسا، آوروپا بیرلیگی و آمریکانین تطبیق ائتدیگی یاپدیریملار قالدیریلاجاق.
آمریکا پرزیدنتی باراک اوباما، آنلاشمانی تاریخی اولاراق دگرلندیردی.
اوبامایا گؤره ایرانین نوکلئر سلاح گلیشدیرمهسینی تامین ائدهجک هر یولو باغلایان آنلاشما، نوکلئر بحرانی حل ائتمهده ده "ان یاخشی سئچهنک" اولدو.
باشقان اوباما، ایسراییل باشباخانی بنیامین نتانیاهو ایله ده تلفندا دانیشدی.
اوباما، نتانیاهویا، بو آددیمین، ایرانین نوکلئر سلاح اورهتیمینه انگل تؤرهدهجک قالیجی آنلاشما یولوندا اؤنملی بیر ایرهلیلمه اولدوغونو قید ائتدی.
آنلاشمانین ایرانین نوکلئر پروگرامینی مشروعلاشدیراجاغینی و سالدیرقانلیغینی آرتیراجاغینی ایفاده ائدن نتانیاهو ایسه بو وضعیتین اؤلکهسینین وارلیغینی تهدید ائدهبیلجیینی سؤیلهدی.