آغ ائو: ایران ایله مذاکیره‌لرده ایره‌لیلمه یازیلیر
باتی اؤلکه‌لری، سون راضیلاشما اوچون نوکلئر ایشلرین اوّلجه 10 ایل دایاندیریلماسینی، سونراکی 5 ایل اوچون ایسه ایرانین نوکلئر ایشلری اوزرین‌دکی محدودلاشدیرما‌لارین مرحله‌لی اولا‌راق قالدیریلماسینی ایستییر
مذاکیره‌لرده ایره‌لیلمه یازیلیر
آغ ائو، ایران ایله 5 + 1 اؤلکه‌لری آراسیندا سوئیس‌ده داوام ائتدیریلن نوکلئر مذاکیره‌لرده ایره‌لیلمه یازیلدیغی فیکرینی قورور.
آغ ائو سؤزچوسو ژوسه ارنست، چرچیوه راضیلاشماسی اوچون تعیین اولونان مدتین چرشنبه آخشامی گونو دولماسینا باخمایا‌راق، لوزان شهرینده داوام ائدن نوکلئر مذاکیره‌لره باغلی اولا‌راق؛
- "دانیشیق‌لار محصولدار اولماغا داوام ائدیر و ترققی یازیلیر" ایفاده‌سینی ایستیفاده ائتدی.
مذاکیره‌لرین اوجونون آچیق اولمادیغینی خاتیرلا‌دان ارنست، دانیشیق‌لارا کیفایت قدر واخت آیریلماسی‌نین اهمیت‌لی اولدوغونا ایناندیق‌لاری گؤروشونو ده دیله گتیردی.
ایسپیکر، پرزیدنت باراک اوبامانین دا موضوعیلا علاقه‌دار بیلگیله‌ندیریلدیغینی سؤیله‌دی.
آنجاق ایران، دانیشیق‌لاردا اولوسلار آراسی جمعیتین آختاردیغی آچیق مسئولیت‌لری هله وئرمیش دئییل.
باتی اؤلکه‌لری، سون راضیلاشما اوچون نوکلئر ایشلرین اوّلجه 10 ایل دایاندیریلماسینی، سونراکی 5 ایل اوچون ایسه ایرانین نوکلئر ایشلری اوزرین‌دکی محدودلاشدیرما‌لارین مرحله‌لی اولا‌راق قالدیریلماسینی ایستییر.
ایران ایسه، ایلک 10 ایلین دارتیشیلابیله‌جگینی، سونراسیندا ایسه نوکلئر پروقرامی اوزرین‌دکی محدودلاشدیرما‌لارین تامامیله قالدیریلماسینی طلب ائدیر.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
