ایراندا خبرگان مجلیسی باشقانی سئچیمینی آیت الله محمد یزدی قازان
یزدینین 47 سسله قازاندیغی سئچیملرده جمهور باشقانی روحانی، ایرانلی دین عالیملری و ناظیرلر ده پارلامنتده حاضر اولدو
![ایراندا خبرگان مجلیسی باشقانی سئچیمینی آیت الله محمد یزدی قازان](http://cdn.trt.net.tr/images/xlarge/rectangle/10-11/Files/UploadedImages/4642773116iranyezdiseildi.jpg?time=1718872037)
ایراندا خبرگان مجلیسی باشقانی سئچیمینی آیت اهلا محمد یزدی قازاندی.
اصلاحات کولکلرینین گوجلو حیس ائدیلدی بیر دؤورده باشقان سئچیلن یزدی، محافیظهکار شخصیتی ایله اؤن پلانا چیخیر.
یزدینین 47 سسله قازاندیغی سئچیملرده جمهور باشقانی روحانی، ایرانلی دین عالیملری و ناظیرلر ده پارلامنتده حاضر اولدو.
اؤتن ایلین اوکتوبر آییندا آیت الله محمد رضا مهدوی کنینین وفاتی ایله بوش قالان مجلیس باشچیلیغینا آیت الله محمود هاشیمی شاهرودی وکالت ائدیردی.
آیت الله محمد مومنین ده نامیزدلر آراسیندا اولدوغو ایجلاسین آچیلیش دانیشماسینی ائدن شاهرودی، ایلک توردا سئچیمدن چکیلدیگینی آچیقلادی.
سئچیمین فاووریتی اولاراق گؤستریلن شاهرودی ایله باغلی اجتماعتده یاسا دیشی ایشلر ائتدیگینه دایر ادعالار یئر آلمیشدی.
اؤلکهدکی مخالیف اصلاحاتچیلارا قارشی شدت تطبیق اولوناراق قارشی قویولماسینی ساوونان یئنی باشقان یزدی ایسه یارغی گوجو باشقانلیغی دؤورونده قاداغان ائدیجی قرارلارییلا تانینیر.
عضولری بیرباشا خالق طرفیندن سئچیلن خبرگان مجلیسی، 86 دین عالیمیندن عبارتدیر.
خبرگان مجلیسی، ایرانین ان اهمیتلی اوتورتهسی اولان "رهبر"ین تعیین ائدیلمهسی، نظارت و رهبرین اؤلمهسی حالیندا یئنی دینی لیدری سئچمه وظیفهلرینی ایجرا ائدیر.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718872037)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب