"ایران ایله بعضی ایرلیلمه‌لر اولدو"
بیر سونراکی مذاکیره‌لرین 15 مارس تاریخینده یئنه سوئیس‌ده گرچکلشدیریلمه‌سی گؤزلنیلیر
آمریکا خاریجی ایشلر باخانی جون کری و ایران خاریجی ایشلر باخانی محمد جواد ظریف آراسیندا سوئیس‌ین مونترو شهرینده گئچیریلن نوکلئر مذاکیره‌لر تاماملاندی.
ایسراییل باشباخانی بینیامین نتانیاهونون آمریکا کنگره‌سین‌دکی چیخیشیندا سرت مخالیفتینه سبب اولان دانیشیق‌لارین آردین‌دان بیر آچیقلاما وئرن کری؛
"ایران ایله نوکلئر مذاکیره‌لرده بعضی ایرلیلمه‌لر تامین ائدیلدی" دئدی.
دانیشیق‌لارین باشاری ایله نتیجلنمه‌سی وضعیتینده ایرانین نوکلئر پروگرامی‌نین باریشجیل قالاجاغینی ایفاده ائدن کری، نوکلئر مذاکیره‌لر حاقیندا "هئچ کیمسه، ایرانین نوکلئر سلاح الده ائتمه‌سینی انگللمه‌ک اوچون داها اویغون، توتارلی و قالیجی بیر سئچه‌نک سونمادی" دئیه دانیشدی.
اوچ گون داوام ائدن دانیشیق‌لارا کری و ظریف‌ین یانیندا آمریکا انرژی باخانی ارنست مونیز، آمریکا خاریجی ایشلر باخانی‌نین یاردیمچیسی وکیلی وندی شرمن، ایران اتم انرژی‌سی قورومو باشقانی علی اکبر صالحی، ایران خاریجی ایشلر باخانی‌نین یاردیمچیسی و باش مذاکره‌چی عباس عراقچی ده قاتیلدی.
ایران ایله پ5 + 1 قروپو اؤلکه‌لری آمریکا، روسیا، چین، فرانسا، اینگیلتره و آلمانیا آراسیندا داوام ائتدیریلن بیر سونراکی مذاکیره‌لرین 15 مارس تاریخینده یئنه سوئیس‌ده گرچکلشدیریلمه‌سی گؤزلنیلیر.
ایران و امنیت شوراسی‌نین عضو‌لری و آلمانیا‌دان اولوشان "پ5 + 1 قروپو اؤلکه‌لری" آراسیندا گئچیریلن نوکلئر مذاکیره‌لرده داها اول نهایی آنلاشمایا واریلامامیش، مذاکیره‌لر 1 جولای 2015.جی ایله قدر اوزادیلمیشدی. طرف‌لر، 31 مارسا قدر اؤن آنلاشما اؤزللیگینده بیر چرچیوه آنلاشما ایمضالاماغی هدفله‌ییر.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
