ایران ایله آمریکا گئنه آنلاشمادیلار
بازار ارته‌سی گونو یئنی‌دن بیر آرایا گله‌جک اولان طرف‌لرین، 31 مارسا قدر بیر آنلاشما تامین ائتمه‌لری لازیم‌دیر
ایران ایله آپاریلان نوکلئر مذاکیره‌لرده راضی‌لیق چیخمادی.
سوئیس‌ین ژنو شهرینده بیر آرایا گلن ایران و آمریکا بیرلشمیش شتات‌لاری هیات‌لری، نوکلئر مذاکیره‌لرده معین بیر مسافه ده اؤنه گئتدیکلرینی آنجاق سون بیر قارشی‌لیق‌لی راضیلاشمایا هله اوزاق اولدوق‌لارینی آچیقلادی.
مذاکیره‌لرده ایرانی خاریجی ایشلر ناظیری محمد جواد ظریف و دولت باشقان کؤمکچی‌سی علی اکبر صالحی، آمریکا بیرلشیک دولتلرینده ایسه خاریجی ایشلر ناظیری جان کری و انرژی ناظیری ارنست مونیز تمثیل ائتدی.
بازار ارته‌سی گونو یئنی‌دن بیر آرایا گله‌جک اولان طرف‌لرین، 31 مارسا قدر بیر آنلاشما تامین ائتمه‌لری لازیم‌دیر.
31 مارسا قدر بیر چرچیوه آنلاشما تامین ائدیلمه‌سی حالیندا، بونو تکنیکی آیرینتیلار اوچون ائدیله‌جک 4 آیلیق بیر علاوه مذاکیره پروسه‌سی ایزله‌یه‌جک.
مذاکیره ائدیلن آنلاشما متنی، ایرانین اورانیوم غنیلشدیرمه پروقرامی‌نین 10 ایل بویونجا محدودلاشدیریلماسینی و سونراسیندا مرحله‌لی اولا‌راق گئنیشلندیریلمه‌سینی نظرده توتور.
آمریکا پرزیدنتی باراک اوباما، 31 مارسا قدر بیر چرچیوه راضیلاشما تامین ائدیله بیلممه‌سی حالیندا مذاکیره‌لرین معناسی‌نین آزالاجاغینی سؤیله‌دی.
ایرانلا مذاکیره‌لره قارشی چیخان ایسرایل باش ناظیری نتانیاهونون گله‌جک هفته آمریکا کونگره‌سینده ائده‌جگی دانیشمادا، بو گئدیشاتا یئنی تنقیدلر گتیرمه‌سی گؤزلنیلیر.
ایران، اورانیوم غنیلشدیرمه پروقرامینی اقتصادی و علمی سبب‌لرله ائتدیگینی، ایسرائیل و غرب اؤلکه‌لری ایسه پروقرامین مقصدی‌نین نوکلئر سیلاحلانما اولدوغونو ادعا ائدیر.
دیگر طرف‌دن، اینگیلیس مطبوعاتینا سیزان بیر راپورا گؤره، ایسرائیل کشفیات تشکیلاتی موسادین، نتانیاهو رهبرلیگی‌نین ایفاده‌سی‌نین عکسینه ایرانین اورانیوم غنیلشدیرمه پروقرامینی ناراحات‌لیق وئریجی بولمادیغینی گؤستردی.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجه‌سینده 4 نفر اؤلوب 120 نفر‌ده خسارت آلیب
