ایران ایله آمریکا هیات‌لری آراسین‌داکی نوکلئر مذاکیره‌لر باشلادی

ایران ایله آمریکا هیات‌لری آراسین‌داکی نوکلئر مذاکیره‌لر سوئیس‌ین ژنو شهرینده باشلادی.
ایران خاریجی ایشلر ناظیری‌نین معاوینی و باشمذکرچی عباس عراقچی ایله آمریکا خاریجی ایشلر ناظیری‌نین معاوینی وکیلی وندی شرمن آراسین‌داکی دانیشیق‌لار مطبوعاتا باغلی ائدیلیر.
خاریجی ایشلر ناظیری‌نین معاوین‌لری‌نین دانیشیق‌لارینی 2 گون بویونجا داوام ائتدیرمه‌لری گؤزلنیلیر.
ایکی اؤلکه خاریجی ایشلر ناظیرلری جواد ظریف ایله جان کری ایسه بازار و بازار ارته‌سی گون‌لری بیر آرایا گلمه‌سی گؤزلنیلیر.
گؤروشمه پروقرامینا گؤره سون اولا‌راق بیرلشمیش میللت‌لر تشکیلاتی‌نین گوونلیک شوراسی‌نین عضوو آمریکا، روسیا، اینگیلتره، فرانسا و چین ایله آلمانیا‌دان عبارت 5 + 1 اؤلکه‌لری ایله ایران آراسیندا بیر گؤروشمه نظرده توتولور.
طرف‌لر آراسیندا نوامبر 2013دکی 3-جو تور دانیشیق‌لاردا ایرانین نوکلئر پروقرامینی 6 آیلیغینا دوندوروب اورانیوم غنی‌لشدیریلمه‌سینی آزالدماسی، بونا قارشی‌لیق بو اؤلکه‌یه ایستیقامت‌لی اقتصادی تحریم‌لرین گئوشدیلمسی قرارا باغلانمیشدی.
آنجاق داها سونراکی مذاکیره‌لرده "اورانیوم غنیلشدیرمه سویه‌سی و تحریم‌لرین نئجه قالدیریلاجاغی" موضوعلارین‌داکی گؤروشمه آیری‌لیق‌لاری اورتادان قالحمادی.
سون اولا‌راق 29 ژانویه‌ده ایستانبولدا تشکیل ائدیلن گؤروشمه‌ده ده سون راضیلاشما اولمامیش، مذاکیره‌لر 30 ژوئیه 2015-جی ایله قدر اوزادیلمیشدی.