چین خاریجی ایشلر ناظیری، ایراندا
پرزیدنت روحانی، تهران و پکنین اوزون مدتدیر داوام ائتدیردیگی مثبت ایلیشکیلری هر ساحهده استراتژیک ایش بیرلیکلرینه ایستیقامتلندیرمه واختینین گلدیگینی ایفاده ائتدی.
8 ایل آرادان سونرا ایلک دفعه بیر چین خاریجی ایشلر ناظیری، ایراندا.
پرزیدنت حسن روحانی، رسمی بیر سفر اوچون اؤلکهسینده اولان چین خالق جمهوریتینین خاریجی ایشلر ناظیری وانگ یی-نی قبول ائتدی.
پرزیدنتلیگیندن ائدیلن آچیقلامایا گؤره، گؤروشمهده، فینانس، صنایع، علم، تکنولوژی، توریزم، دمیر یوللاری ایله لیمانلارین اینکیشاف ائتدیریلمهسی، انرژی و اکینچیلیک کیمی ساحهلرده علاقهلری آرتیرمانین یوللاری مذاکیره ائدیلیب.
پرزیدنت روحانی، تهران و پکنین اوزون مدتدیر داوام ائتدیردیگی مثبت ایلیشکیلری هر ساحهده استراتژیک ایش بیرلیکلرینه ایستیقامتلندیرمه واختینین گلدیگینی ایفاده ائتدی.
چینین امکداشلیقلا 5 + 1 ایله آپاریلان مذاکیرهلرده ان قیسا زاماندا سون راضیلاشما اولابیلمهسینه شاهید اولماغی آرزو ائتدیگینی سؤیلهین پرزیدنت روحانی؛
- "موجود شرطلرده قارشی طرف لازیملی سیاسی ایرادهنی گؤسترسه یاخین تاریخده سون راضیلاشما تامین ائدیله بیلر. چینین تأثیرلی وارلیغی بو زامانی قیسالدابیلیر" فیکیرینی دیله گتیردی.
پرزیدنت روحانی؛
- "آسیا و خصوصیله یاخین شرقده دایمی ثابتلیک اولابیلمهسی، تروریزم، آشیریچیلیق و بعضی گوجلرین یئرسیز موداخیلهلریله مباریزه اوچون، ایکی اؤلکه آراسینداکی استراتژی علاقهلر آرتیریلمالی" دئیه بیلدیرمیشدیر.
چین خاریجی ایشلر ناظیری وانگ یی ده، اؤلکهسینین، ایرانلا استراتژی و اوزون مدتلی ایش بیرلیکلرینی آرتیرمادا قرارلی اولدوغونو وورغولادی.
وانگ یی، ایران ایله 5 + 1 آراسیندا آپاریلان نوکلئر مذاکیرهلرین نهای بیر راضیلاشماقلا سونوچلانماسینین هم ایران، هم ده بؤلگه خالقلارینین خیرینه اولاجاغینی ایفاده ائتدی.
وانگ یی، سون آنلاشما اوچون، بوتون طرفلرین داها چوخ مسئولیت اوستلنملرینه اومید ائتدیگینی قید ائتدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.