ایران ایله آمریکانین آنلاشدیغی ادعا ائدیلدی
آمریکا استخباراتی، ایرانین الینده بیر نئچه نوکلئر بومبا یاپابیلهجک میقداردا زنگینلشدیریلمیش اورانیم اولدوغو فیکریندهدیر
ایران ایله آمریکانین نوکلئر مذاکیرهلرده بیر فورمول اوزرینده گئچیجی آنلاشمایا واردیقلاری ایرهلی سورولدو.
ویندهکی دیپلوماتیک قایناقلارا گؤره، ایران، نوکلئر سلاح یاپیمیندا ایستیفاده ائدیلهبیلهجک ملزمهنی روسیایا گؤندرمهیی قبول ائتدی.
ایران ایله آمریکا، اینگیلتره، فرانسا، آلمانیا، چین و روسیا آراسینداکی نوکلئر مذاکیرهلره 15 ژانویهده ژنوده داوام ائدیلهجک.
مذاکیرهلرین باشلاماسینا 11 گون قالا، آدینی آچیقلامایان 2 دیپلوماتین گئچن آیکی گؤروشمهلرله علاقهلی مطبوعاتا سیزدیردیغی معلوماتلار وار.
آنجاق ایران خاریجی ایشلر باخانلیغی، "هئچ بیر قونودا آنلاشما یوخدور" دئدی.
ایران خاریجی ایشلر باخانلیغی سؤزچوسو، باتی مطبوعاتیندا چیخان خبرلری اساسسیز و سیاسی مقصدلی اولاراق دگرلندیردی.
ایران نوکلئر پروگرامینین انرژی آماجلی اولدوغونو ایفاده ائدیر، آنجاق اورانیمو بللی اورانین اوزرینده زنگینلشدیرمهیی باجارسا، نوکلئر سلاح دا الده ائدهبیلر.
دیپلوماتیک قایناقلارین ادعاسینا گؤره، گئچن آیکی مذاکیرهلرده آمریکا ایرانا، زنگینلشدیردیگی اورانیمون چوخونو الدن چیخارماسینی تکلیف ائتدی. ایرانین زنگینلشدیردیگی اورانیمو روسیایا گؤندرمهیی قبول ائتدیگینی ایرهلی سورولدو.
ادعایا گؤره، مذاکیرهلر هله ده زنگینلشدیریلمیش اورانیمون نه قدرینین روسیایا گؤندریلهجیی، ان چوخ نه قدرینی الینده توتابیلهجگی اوزرینده سیخلاشیر.
آمریکا استخباراتی، ایرانین الینده بیر نئچه نوکلئر بومبا یاپابیلهجک میقداردا زنگینلشدیریلمیش اورانیم اولدوغو فیکریندهدیر.
آمریکالیلار، ایرانین سانتریفوژ ساییسینی دا 4 مین 500 ایله سینیرلاماسینی ایستهییر، تهران 8 مین ساییدا دیرنیر.
ایلگیلیلی خبرلر
![ایراندا 5 ریشتر گوجونده زلزله](http://cdn.trt.net.tr/images/medium/rectangle/98d4/e940/663b/66727454865f5.jpg?time=1718872538)
ایراندا 5 ریشتر گوجونده زلزله
رضوی خراسان ایالتینین کاشمر بؤلگهسینده زلزله نتیجهسینده 4 نفر اؤلوب 120 نفرده خسارت آلیب