آمریکا عراقدا سنّی طایفهلاری ایستیفاده ائتمگی دوشونور
دمپسی ژورنالیستلره ائتدیگی آچیقلامادا، عراق- شام ایسلام ترور ارگوتو ایله مباریزهلرینده عراقا نیظامی مصلحتچیلیک دستگینی آنبار بؤلگهسینه گئنیشلتمهلری لازیم اولدوغونو سؤیلهدی
آمریکا بیرلشمیش دولتلری، عراقدا عراق- شام ایسلام ترور ارگوتونه قارشی سنّی طایفهلاری ایستیفاده ائتمگی دوشونور.
آمریکا بیرلشمیش دولتلری باش قرارگاه باشقانی مارتین دمپسی، عراق حکومتیندن، سنّی طایفهلاری سیلاحلاندیرماسینی ایستهدی.
دمپسی ژورنالیستلره ائتدیگی آچیقلامادا، عراق- شام ایسلام ترور ارگوتو ایله مباریزهلرینده عراقا نیظامی مصلحتچیلیک دستگینی آنبار بؤلگهسینه گئنیشلتمهلری لازیم اولدوغونو سؤیلهدی.
عراق- شام ایسلام ترور ارگوتونو، یوزلرله سنّی طایفه عضوونو اعدام ائتمهسینه ده توخونان دمپسی، " پس بونا گؤره نیظامی دستگیمیزی آنبار بؤلگهسینه ده سوروشدورمک مجبوریتیندییک" دئدی.
عراقا نیظامی مصلحتچی گؤندرمک اوچون بغدادین سنّی قبیلهلری سیلاحلاندیرماسینی شرط قویان دمپسی، بغدادین دا موضوعیا مبثت باخدیغینا دایر ایشارهلر اولدوغونو، آنجاق هله حیاتا کئچیرمدیگینی ایفاده ائتدی.
مارتین دمپسی، عراق- شام ایسلام ترور ارگوتونه قارشی مباریزهلرینی 3 اساس مسئلهیه دایاندیردیقلارینی، سنّیلری اؤز طرفلرینه چکیب سیلاحلاندیرمالارینین بونلاردان بیری اولدوغونو قید ائتدی.
دمپسی، دیگر مادهلر ده، عراق حکومت بیرلیکلرینه نیظامی مصلحتچیلیک دستگی تامین ائتمک و بو اؤلکهده میللی گؤزتچی گوجو یاراتماق شکلینده یکونلاشدیردی.
بو آرادا لبناندا عراق- شام ایسلام ترور ارگوتو منسوبو اولدوغوندان شوبههلنیلن 18 نفر نظارته آلیندی.
بو اینسانلار، دینیه بؤلگهسینده کندلری ایشغال ائدهرک بیر فرماندهلیق قرارگاهی پلانلاماقلا اتهاملاندیریلدی. لبنان پولیسی، 15 عراق- شام ایسلام ترور ارگوتو منسوبونون دا آختاریلدیغینی بیلدیریب.