ایران-پاکستان آراسیندا سرحد گرگینلیگی

ایران انقیلاب گؤزتچی‌لری اوردوسو قوموتان کمکچیسی ژنرال حسین سلامی، ایرانا قارشی تهدیدلری آرا‌دان قالدیرماق اوچون اللرین‌دن گله‌نی ائده‌جک‌لرینی سؤیله‌دی.
بو بؤلگه ایله ایلگیلی گوج‌لو استخبارات معلومات‌لاری اولدوغونو بیلدیرن سلامی، "مخالیف گوج‌لر هارادا اولورسا اولسون، حتی قونشو اؤلکه‌لرین تورپاق‌لاریندا بئله اولسا‌لار، اونلاری تاپار و لازم اولانی ائدریک" دئدی.
گئچن هفته بلوچستانین ایران طرفینده کیملیگی نامعلوم شخص‌لر طرفین‌دن ایران گوونلیک گوج‌لرینه تشکیل ائدیلن سالدیریدا ٤ نفر اؤلموشدو.
قونویلا علاقه‌لی آراشدیرما‌لار آپارماق اوزره بؤلگه‌یه حرکت ائدن مامورلاری داشییان اوچاق دا دوشموش، ۷ نفر اؤلموشدو.
پاکیستانین ایران سرحدینه اوزانان و ان آز گلیشمیش ایالتی اولان بلوچستان، گوج بوشلوغو سببیله ایللردیر ترور هؤرگوتلرینه و میلیتانلارا ائو صاحب‌لیگی ائتمه‌سیله تانینیر.
پاکیستان ایله ایران آراسیندا بؤلونموش اولان و سیستان-بلوچستان آدییلا بیر قیسیمی ده ایراندا یئر آلان ایالت، طالبانین دا قالابالیق اولدوغو بیر بؤلگه.