فرانسا اوچاقلاری ایشیده قارشی
فرانسا خاریجی ایشلر باخانی، فرانسا اوچاقلارینین عراق اوزرینده کشفیات مقصدلی اوچوشلارا بو گون باشلایاجاغینی آچیقلادی
عراقدا ایشیده قارشی آپاریلان مباریزهده فرانسا ساواش اوچاقلاری دا ایشین ایچینه گیردی.
فرانسا خاریجی ایشلر باخانی لوران فابیوس، فرانسا اوچاقلارینین عراق اوزرینده کشفیات مقصدلی اوچوشلارا بو گون باشلایاجاغینی آچیقلادی. فابیوس عراقدان اوچوشلارلا ایلگیلی اولاراق ایجازه ایستندیگینی ایفاده ائتدی. فرانسانین ابوظبیدهکی بیر مرکزده ٦ ساواش اوچاغی وار.
عراق اوردوسو دا روسیادان ساتین آلینان سالدیری هلیکوپترلرینین گؤرهوه حاضر اولدوغونو آچیقلادی.
نیویورک مرکزلی اینسان حاقلاری ایزلمه هؤرگوتو، ۱ سپتامبردا عراق اوردوسونون تکریت یاخینلاریندا گرچکلشدیردیگی بیر هاوا بومباردمانی اوچون اولوسلارآراسی آراشدیرما ایستهدی. العالم قصبهسینه تشکیل ائدیلن هاوا هوجوموندا، ائولرینی ترک ائدن وطنداشلارین سیغیندیغی بیر مکتب اصابت آلمیش و ۲٤ نفری اوشاق ۳۱ نفر حیاتینی ایتیرمیش، ٤۱ نفر ده یارالانمیشدی. تخمینا ۷۰ سیویلین یاشادیغی مکتبده هر هانسی بیر میلیتان و پاتلاییجی اولمادیغی ایفاده ائدیلدی. عراق اوردوسو، سالدیریدا اوخولون هدف آلینمادیغینی بؤلگهدکی بیر کانتینرین هدف آلیندیغینی آچیقلامیشدی.
عراق باشباخانی حیدر العبادی، هفته سونو عراق اوردوسوندان وطنداشلارین یاشادیغی بؤلگهلرده هاوا هوجوملارینی دوردورمالارینی ایستمیشدی.
بو آرادا ایشید میلیتانلاری عراقین قوزئیینده بیر کندده عراق اوردوسو و کورد قروپلارا چالیشدیقلارینی ادعا ائتدیکلری ۸ نفری کند خالقینین گؤزو قارشیسیندا اعدام ائتدی.