عراقدا قان‌لی گون

عراقدا قان‌لی گون ...
دونن اؤلکه ایچیندکی شدت حادثه‌لرینده 100 نفر حیاتینی ایتیردی.
عراق شام ایسلام دولتی تشکیلاتی‌نین، موصول‌دا آرا‌لاریندا کورد و شیعه تورکمن‌لرین اولدوغو 70 نفری گولله‌یه دوزه‌رک اؤلدوردوگو بیلدیریلدی.
کوردوستان دموکرات پارتیسی مسئولو، جسدلرین، موصولدا ایش ماشینییلا قازیلان توپ‌لو مزارا باسدیریلدیغینی سؤیله‌دی.
بغداددا بومبا یوک‌لو اوتوموبیلله تشکیل ائدیلن سالدیریدا 12 نفر حیاتینی ایتیردی، 30 نفر یارالاندی.
اؤلکه‌نین مختلیف یئرلرینده عراق شام ایسلام دولتی ترور اؤرگوتو ایله گوونلیک گوجلری آراسیندا چاتیشما‌لار داوام ائدیر.
عراق اوردوسو و آمریکا بیرلشیک دولت‌لرینه عایید اوچاقلاری دا عراق شام ایسلام دولتی ترور اؤرگوتو ین ایداره‌سین‌دکی بعضی هدف‌لره سالدیری تشکیل ائدیر.
عراق اوردوسونون فلوجه‌یه "هدف گودمه‌دن" دوزنلدیغی قومپاره و توپچو آتشی سالدیریسندا آرا‌لاریندا اوشاق‌لارین دا اولدوغو 18 نفر حیاتینی ایتیردی.
شهرده اوردو و عراق شام ایسلام دولتی ترور اؤرگوتو آراسین‌داکی چاتیشما‌لاردا 14 تشکیلات عضوونون اؤلدورولدوگو بیلدیریلدی.
آرا‌لاریندا انتیحار آکتیویستی ده اولان دؤرد عراق شام ایسلام دولتی ترور اؤرگوتو میلیتانی‌نین ایسه گوونلیک گوجلری و پیشمرگه طرفین‌دن دیاله‌ده اؤلدورولدوگو آچیقلاندی.