مالیکی عراق اوردوسونا سسلندی
مالیکی، "ترورلا مباریزه ائتمه‌یه‌رک گئری چکیلن بوتون مسئول‌لار حساب وئره‌جک دئیه دانیشدی.
مالیکی عراق اوردوسونا سسلندی
"حسابا چکیلمه‌دن اوّل اؤزونوزو حسابا چکین."
عراق باش ناظیری نورو المالیکی، عراقیه تلویزیونوندا یایینلانان آچیقلاماداسیندا، نینووا اوستانی‌نین مرکزی موصولدا یاشانان حادثه‌لره توخوندو.
موصولدا یاشانان‌لاری "سوی-قصد و آلداتما" اولا‌راق خاراکتریزه ائدن مالیکی، اوردودا قورولوشلاندیرماغا گئتدیک‌لرینی، ترورلا مباریزه آپارماق اوچون "ایراده صاحبی" کؤنول‌لولردن عبارت بیرلیک‌لر قورولاجاغینی و ایتیریلن بؤلگه‌لرین گئری آلیناجاغینی سؤیله‌دی.
عراق-شام ایسلام دولتی ترور اؤقوتو قارشی‌سیندا گئری چکیلن اوردو منسوب‌لاری‌نین حساب وئره‌جگینی وورغولایان مالیکی، "ترورلا مباریزه ائتمه‌یه‌رک گئری چکیلن بوتون مسئول‌لار حساب وئره‌جک. عراق اوردوسوندا وظیفه‌لی قوموتانلار و عسگرلر اؤزونوزه گلین، حسابا چکیلمه‌دن اوّل اؤزونوزو حسابا چکین." دئیه دانیشدی.
مالیکی، سوریه‌ده ساواشی ایتیرن قروپ‌لارین عراقا یؤنلدیگی فیکیرینی مدافعه ائتدی.
عراقین موصولدا ایتیردیگی اعتبارینی گئری آلاجاغینی دیله گتیرن مالیکی سؤزلرینی، عراقین چتین آنیندا یانیندا اولدوغونو ایفاده ائتدیگی، بیرلشمیش میللت‌لر تشکیلاتی‌نین، آوروپا بیرلیگی، عرب بیرلیگی و عراق‌داکی شیعه مرکزلری تشککور ائده‌رک تاماملادی
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
