الهام علی یئو:"یئنیلمز اوردو آذربایجان اوردوسودور! بونو دؤیوش میدانیندا گؤستریر"
"بیزیم ظفر یوروشوموز داوام ائدیر. هله ده ایشغال آلتیندا تورپاقلار وار، هله ده دؤیوشلر گئدیر.
"بیزیم ظفر یوروشوموز داوام ائدیر. هله ده ایشغال آلتیندا تورپاقلار وار، هله ده دؤیوشلر گئدیر. اگر ائرمنیستان رهبرلیگی منیم طلبلریمه جاواب وئرمهسه، سونا قدر گئدجییک. هئچ کیم بیزی دایاندیرا بیلمز. دونیادا ائله قوه یوخدور کی، بیزی دایاندیرا بیلسین. ائرمنیستان آرتیق اؤز آجی مغلوبیتینی اعتراف ائدیب، اؤزونو آلچالدا-آلچالدا، خالقینی تحقیر ائده-ائده. ائرمنیستان رهبرلیگی ایندی دونیا اؤلکهلریندن یاردیم ایستییر، حربی یاردیم ایستییر، سلاح، تکنیکا ایستییر. بس، هانی سنین یئنیلمز اوردون؟ محو ائتمیشیک اونو".
بو بارهده آذربایجان پرزیدنتی، مظفر عالی باش قوموتانی الهام علی یئو خالقا مراجعتینده بیلدیریب.
دؤولتیمیزین باشچیسی دئییب: "یئنیلمز اوردو آذربایجان اوردوسودور! بونو دؤیوش مئیدانیندا گؤستریر، دوشمنی تورپاقلاردان تک باشینا قووور. اوتوز ایل عرضینده میلیاردلارلا دوللار خرجلنیب اورایا، استهکاملار قورولوب، موهندیسلیک قورغولاری اینشا ائدیلیب. اما هامیسینی ووروب داغیتمیشیق - معنوی روح، گوج حسابینا، بیرلیک حسابینا!".
پرزیدنت الهام علی یئو قئید ائدیب کی، ایشغال ائدیلمیش بوتون تورپاقلاردان دوشمن قوهلری چیخاریلمالیدیر. بو، بیزیم طلبیمیزدیر. اولوسلار آراسی نورما و پرینسیپلر، اولوسلار آراسی تشکیلاتلارین قرار و قطعنامه لری بونو طلب ائدیر.
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر